وش قصدكم ياللي علينا تطلون؟؟

[محمد العتيبي]

[poem=font="Simplified Arabic,4,red,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وش قصدكم ياللي علينا تطلون=كلٍ كتب له قصةٍ من خياله
على عماها ترقصون وتغنون=وكلٍ من الضيعه يلاعب ضلاله
على اقرب الأ صحاب قمتو تحطون=وكلٍ يفسرها على مابداله
كنتو على القمه من اول تعدون=واليوم وين انتو ووين العداله
ياليتكم عما عملتوه تدرون=ضاع الجميل وضاع راعي الجماله
صرتو على فعل العياره تبارون=والكل يصفق وسط ناره دلاله
انتو كتبتو واهل العرف يقرون=وكلٍ يبين جوهره من مقاله
بالله ياهل الشعر ياللي تزورون=اما العبو والا عطوني وكاله
نبغي نعلم تابع الهون بالهون=ان القصيد انتاج فكر وجزاله
اللي غدى مابين صاحي ومجنون=ومثله يجنب عن طريق الجهاله
يالله دخيلك صار من دون في دون=لاشاف له زولٍ تزايد جفاله
يرمي بروحه بين ناسٍ يهوشون=حتى يضيع غترته مع عقاله
يلقف لهم لوعن طريقه يصدون=ويرمي على اللي ينصحونه نعاله
بالله ياللي عن حواله تعرفون=قولولنا شيخ العرب كيف حاله[/poem]
[align=center]منقوله ونبحث عن القائل[/align]