ميلاد الحب

[عبدالرحمن القاضي]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
هب الوله واستسلم القلب للشـوق=والشوق عاد وعـاد للحـب ميـلاد
كن المدى في سامره لمعـة بـروق=والقـاع لاغيـث ولابـارق جــاد
قبلك وانا قلبي عن الحب مفهـوق=واليوم جرحه داخلي مالـه ضمـاد
انتي مثل فجر على شكـل مخلـوق=وانا مثل ليـل سكـن فيـه ميعـاد
وشمسي وهي تختال باهدابي شروق=تبكي على الماضي ولحظات الاسعاد
وفي ليلتي أسلي النفـس بطـروق=والهم حولي غابـة ظنـون وانكـاد
وفي دمعتي حزن وتباريح وحـروق=وفي بسمتي طفـل تعبّـر ولا فـاد
وفي ناظري حن العتم واحرق الموق=اهـات واهـات ومعانـاة وسهـاد
يابنت ويني والمنـى كلهـا عـوق=بيني وبينـك هـم وفجـوج وبعـاد
لاشك مادام الغـلا نبـض بعـروق=ابنتظر للصيـف يابنـت الاجـواد [/poem]