اجمل ماقيل في قبيلة عتيبه

[بنت الذيب]

السلام عليكم ورحمة الله وبركاته :
اعزائي اعضاء ومراقبين ومشرفين منتدى قبيلتنا قبيلة عتيبه ,, حبيت اطرح موضوع يخص الشعر الشعبي او الاشعار في قبيلة عتيبه مما يجعل كل منا يدلوا بدلوه في هذا الموضوع ,,,
وسيكون هذا الموضوع مختص بالقصائد والابيات التي قيلت في قبيلة عتيبه سواء من شعارها او شعار القبائل الاخرى .. ولا مانع من مشاركة الاعضاء بقصائدهم اللي تدور فقط حول هذا الموضوع...
مع الحرص على ذكر اسم الشاعر القائل حرص منا على حفظ الحقوق ...
وسأبدأ بقصيدتين اعتقد انها جديده على البعض منا اتمنى ان تلقى صدى جيد من قبلكم ,
الشاعر: كديميس بن صالح العصيمي..
مناسبة القصيده : مناسبتين..
أولا : ان فيه ناس استنقدوا الشاعر كديميس وقالوا له بما ان شعرك جزل ليش ماتستفيد منه وتمدح فيه الامراء وغيرهم وتاخذ عليه دراهم .. احسن لك من قصيد الهجاء.. (لان كديميس وقف امام كل شعراء القبائل وتصدى لهم -واللي يبا يعرف اكثر يسأل الشيبان عن قصايده مع مطير وحرب-).
ثانيا: عندما كانت الاشعار متبادلة بين شعراء حرب والروقة .. فزع كديميس مع الروقه.
وقالو حرب: وش اللي مكلفه يفزع مع الروقه.
واليكم القصيدة التي يفخر بها كل من ينتمي لقبيلة عتيبة:
هات القلم ياللي تجيد القراية = واكتب على الصفحة بيان(ن)بتفصيل
للي حذف بي هرجة(ن) في قفاية = والهرج له راوي وسامع وتسجيل
وياللي تبي رايي تبيع(ن) لراية = وتقول برنامجك محتاج تعديل
قله ترى مانيب شاعر دعاية = ولا آخذ على نظم القوافي محاصيل
ومالي بترويج القصايد هواية = ومالي هدف في كثرت القول والقيل
انا اليا زادت علوم اخصمايه = وكثرت في صندوق البريد المراسيل
رفعت لي من بين الأعلام راية = وللبيت عمدان وللحرف تحليل
وضربت من بين العيون بعصاية = لابان غيض أهل القلوب المغاليل
حتى قال..
قومي هل المعروف واهل الرعاية = للواجبات اللي عليهن دواليل
عتبان يزبن لهم كبير الجناية = اليا مالقى عند القبايل مداخيل
شرقي منازلهم بلاد الفوايه = وغربي منازلهم بلد محبس الفيل
وفيهم الى شان الزمان ارتكاية = وقت القسا مثل الجمال المحاميل
اليا صار في بعض الرجال التوايه = تبينوا لمدور البن والهيل
وحير(ن) عليهن الشحم تقل صاية = وكلامنا احلى من شراب الشهاليل
ويكفي عن الشرح كثير الرواية= مصادر التاريخ فيه التفاصيل
ومدامهم قومي وساس انتمايه = وعضدي الى صكت علي المحابيل
وشلون اجنّب عن طريق اعضداية = والدرب مرفوع وعليه القناديل
ومن لا اهتدى بآثار الأقلام تايه = اللي تقص اخبار جيل بعد جيل
للمهتدي يبين درب الهداية = والمنحرف لو هو يعطى درابيل
يمشي على عمياه حتى النهاية = والى انتهى دارت عليه المحاحيل
عميت ماخصيت راعي الحكاية = وان عاد علمناه من ساري الليل
القصيده الثانيه:
الشاعر/محماس بن شميسان العتيبي
من غير نقص بحق باق القبايـل = يا سعد من ربعـه قبيلـة عتيبـه
أهل الصخا والجود وأهل الجمايـل = وأهل المواقف فالظروف العصيبـه
قوم لهـم روس المعالـي ذلايـل = بأيمانهم تنسـاق سـوق النجيبـه
ذباحة الحايـل عمـى كـل عايـل = من وصفهم فيهم سماحـه وهيبـه
تاريخهم يروي عطـاش المثايـل = ماضي وحاضـر فعلهـم ينحكيبـه
لو نستمد مـن السنيـن الأوايـل = شي موثق مـا دخـل فيـه ريبـه
نأخذ من الواقـع خيـار الدلايـل = المعجم اللي قسمهم مـن غريبـه
يوم المراجـل بالهمـم والصمايـل = حضارهم يكفـون مـن فالمغيبـه
مضالهم صولات فـوق الأصايـل = يوم المصيبـه تنتهـي بالمصيبـه
ليا ولعوا للحـرب روس الفتايـل = هداتهم في من حربهـم غضيبـه
مركاضهم يـرم العشـاء للمخايـل= وسهومهـم دم العـدا ترتويـبـه
وإن عصبوا للروس دون الجلايـل = يا ويل من عوب الظنون تهويبـه
سطواتهم تقعد صغـى كـل مايـل = إما رضي تمضي عليـه الغصيبـه
كم جمع سلطـانٍ عليهـم تهايـل = جمـعٍ مـدورة الطمـع تلتجيبـه
أقبـل وقفـى بالهزيمـه شلايـل = عقب الطمع منهـم قنـع بالغليبـه
ويوم إن جيش الترك صايل وجايل = خاضـو طوابيـره كتيبـه كتيبـه
وجايلمن فعلهم شاف النظام الهوايل = وعدّل عن أهدافٍ براسه غصيبـه
وغيره وغيره منجـزات جزايـل = كـم ميسـمٍ جابـه عـدوٍ كويبـه
واللي بعد حاول بشتـى الوسايـل = كم ساق دقلات الجمـوع المهيبـه
خمسين من زيزوم بـرزان حايـل = ما رجحت ميزان منغـص حريبـه
منهم حدت دهم الجمـوع الفعايـل = مـا طمنـوا هاماتهـم للضريبـه
ياما ويامـا بـردوا مـن غلايـل = وكم طوعوا بالفعل روس صعيبـه
في نجد تشهد مقفـرات الخمايـل = وتشهد لهم هوجه ويشهد جذيبـه
مروين عطشان القنـى والسلايـل = يـومٍ كـل مـا فعـل ينجزيـبـه
وان قربت شهب السنين الحفايـل = تندى يديهم والجوانـب خصيبـه
يبدون للعانـي حجـا كـل طايـل = رجالهـم مـا يدخـر مـا بحيبـه
ودخيلهـم هـمٍ يعانـيـه زايــل = أدنـى عتيبـي فالكـرب يعتزيبـه
مزبان من ضاقت عليـه الوسايـل = بالعـز صـرح امجادهـم يعتليبـه
لو إن سهره من عنا الوقت طايـل = اليـا زبنهـم مرقـده يهتنيـبـه
عن الخوي فزعاتهـم مـا تمايـل = وحق القصيـر سلومهـم تعتنيبـه
عتبان فيهـم وافيـات الخصايـل = ميزاتهم في كـل منهـج عريبـه
عنهم كتبت مـن الكثيـر القلايـل = في ما مضى يا أهل القلوب اللبيبه
قبل يلـم الشمـل يبـس البلايـل = عبد العزيز اللي عسى الله يثيبـه
جاها وسكـان الجزيـره سحايـل = جازف عليها وأصبحت من نصيبه
وحنا على البيعه وننفـى البدايـل = مـن طبعنـا وال أمرنـا نقتديبـه
واليـوم نوفـي حقنـا والمكايـل = وطيـبٍ بدينابـه نبـي ننتهيبـه
ماضي وحاضـر حقنـا فالزلايـل = ما صار في منهاجنـا مـا يعيبـه
عتبـان رمـزٍ للكـرم والجزايـل = والعرف والعفه والأرياء الصليبـه
فالمدن ما أحرف مجتمعهم دخايـل = مجالـس تلفـى وجلسـات أديبـه
والضيف للترحيب والقـدر نايـل = غير المناسـف والـدلال الربيبـه
وإن سبّلت بالوبل غـر المخايـل = أبواشهم ترعى القفـور العشيبـه
يرعون قطعـان تغيـض الغلايـل = للنصر في ماضي وحاضر قضيبـه
ويبنون لللافـي بـروس البتايـل = ومن تاه نور عقودهـم يهتديبـه
أنوارهـم فالليـل مثـل القوايـل = تجلى خراميـس الظـلام المهيبـه
في وصفهم لو قلت ما نيب عايـل = عشـاق عـز وللتوافـه حريبـه
مثل العدود ليـا أغـورن الثمايـل = تزود مـع مـر السنيـن التعيبـه
قـولٍ يعرفونـه عيـال الحمايـل = ومن قال قول الزور ربه حسيبـه
والناس كـل ٍلـه سلـوم وفعايـل = وكلٍ عـن الثانـي مكفّيـه طيبـه
ومن غير نقص بحق باق القبايـل = يا سعد من ربعـه قبيلـة عتيبـه
وهذه مقتطفات شعريه للشاعر : سفر بن مشعان الغبيوي الروقي العتيبي
(1)

مـن يريـد الحـرب حنّـالـه وقــوف = واقـفـيــنٍ لـلـمـعـادي بـالـثـبـات
واقـفـيــن لـلـمـعـادي راسـيـيــن = كالجـبـال العالـيـات الـراسـيـات
وان نوانـا غــادر الجـيـران حـنّـا = جاهـزيـن بالـسـفـن والـطـايـرات
والصـواريـخ الحديـثـة بالـقـواعـد = جـاهــزة لـلأنـطـلاق أمـوجـهـات
والجنـود بـكـل جبـهـه جاهـزيـن = والمـدافـع والـبـنـادق جـاهــزات
ما نهـاب المـوت حنّـا مـا نخافـه = مـا نهـابـه والـمـواري واضـحـات
عـادتن لنا مــن عـصـور الأولـيـن = ننطـح العـايـل ونحّـرمّـه المـبـات
نحمي البيتيـن وأطـراف الجزيـرة = من عبـث كـل الحواسـد والطغـات
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,
( 2 )
لـوّ كنـت يـا صـدام للحـرب مشـهـاب = نطـفـي مشاهيـبـك ونـقـطـع ارقـابــه
هــاذي عوايـدنـا بـحــزّات الأنـشــاب = والـحــرب نمشـيـلـه ولـحــدٍ يـهـابــه
نمشـي دروبٍ كلهـا شـوك واصعـاب = نـمـشـي طـريــقٍ غـيـرنـا مامـشـابـه
والا أنت يالحصني تشيطـر بالأكـذاب = الرعـب فـي قلبـك سكـن بـه وصابـه
ياسـرع والله روغتـك عقـب تنصـاب = يـاعـنـك مــنــت بــواقــفٍ لـلـحـرابـه
أقولـهـا والسـيـف قـطّــاع الأرقـــاب = وعيـبٍ علـى الـلـي مـايـوّرد نصـابـه
وأنخى هل النخّوه عزيزيـن الأجنـاب = وأنخى هـل الفزعـات وأنخـى عتابـه
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,
اتمنى من الجميع انهم ما يبخلون علينا باللي عندهم