كم ميتٍ يحيه ذكّر الجمايل
وكم عايشٍ كنه مكفن بتابوت
أنا أشهدٍ ..الموت موت الفعايل
هذا الصحيح إن طّروا .. الذكّر والموت
زود الرجال بطيبات الخصايل
ماهو بزود المال فضة وياقوت
عجز الطبيب بفعل كل الوسايل
ولا عاد ينفع طب مع فايت الفوت
هذا القدر ماضي ولابه بدايل
وإليا أنقضي المكتوب ما ينفع الصوت
يارب تجعلنى لرحمتك نايل
يامخرجٍ ذا النون من ظلمت الحوت
رحمتك يا رزاق معطي الجزايل
وأعوذ في رحمتك من كل ممقوت
يا من تمد بدون منّه وكايل
ويا حاشراٍ بالنار ملحد وطاغوت
دمع الندم بالعين صايل وجايل
لاشك ما أبديبه لعاذل وشاموت
يا فارج الكربات ما عنك حايل
أمست هواجيسي تشوت الفرّح شوت
أغفر لعبدٍ بين الاخصام مايل
النفس .. والشهوات .. وإبليس مفلوت
نخطي وننسي حشر يوم الهوايل
لاشك حشر الاخرة شي مثبوت
يالادمي كم تتبع قول قايل
وأنته تعرف العمر ماضي ومحتوت
للغيب لو نملك رسوم ودلايل
ما شفت لك مفتون فى لقمة القوت
الموت حق وثبّت .. والشك زايل
بس المصيبة .. وش ورا سكرة الموت
================================
للشاعر المبدع 00 ( خالد الذيابي )
================================
| 
|
07-03-2005, 03:39 PM
المواضيع المتشابهه
العرض الشجري