أعـــــدام صدام حسين..في يوم العيد بين الرفض والقبول..شارك برأيك

[بنت* عتيبة]

اوف اوف

يا العزيزة الشامخة


اسمحي لي بشوية استراحة وخلينا نتكلم بعيدا عن الفصحى:):)


ما نحتاجها الان.


وش فيك يا العزيزة قلبتيها الى ساحة صراع يا وجه الله؟

والى قصايد واشعار وحرب .... اكبر من حرب امريكا في العراق.

انا باعتبر نفسي ما شفت شئ.

واقول لك تعوذي من الشيطان يا بنت الحلال

وارجعي لهدوءك.

لانك والله لو اجلس معاك .... ادافع عن فكرة انا مؤمنة

بها لاجلس شهور ولا انهد ههههههه بسم الله علي:):)

شوفي يا الغالية

لا تقلبين الموضوع الى نكد وصراخ وهجوم.

واشعار :):(:)

بس لان بيني وبينك اخوة اعتز فيها

ودي اقدم لك نصيحة صغيرونة.

اذا دخلتي في نقاش مع احد.

وشفتي انه مؤمن بفكرة معينة لا تحاولين تفرضين رأيك عليه

ولازم تحترمين وجهة نظر الطرف الثاني

لانك لو تمسكتي بفرض رأيك بتخسرين

انا من اول رد قلت ابو عدي بطل

وانتي رديتي انه ماهو بطل.

ومن خلال كم رد شفتي اني عند رايي

خلاص امسكي حدك .... ولا تفرضين كلامك عليه

لانك في حوارك معي الله يسلمك ما تحاورين طفلة

او جاهلة الا والا بتحررينها من قناعاتها


احترمي الطرف الاخرين حتى يحترمك

انا يا الشامخة ما جيت للموضوع الا وانا عارفة وش باقول

وعارفة وش احكي .... وعن ايش اناقش.

وانتي شوي وتمسكين العصا هههههههههههههه

الا والا يابنت عتيبة تغيرين فكرتك لان فكرتي كذا

لا يا العزيزة ما هكذا تورد الابل

فيه شئ اسمه سياسة

فيه لين

في رقي في الحوار.

وين انتي؟

في ساحة معركة.

وللمعلومية انا في المرحلة الجامعية ... كنت مقتنعة

بفكرة توصلت لها بالابحاث... في تخصصي.

واجتمعو علي سبعة استاذات يناقشوني.

و انا كنت متمسكة برايي لاني واثقة منه ومن نفسي

وفي النهاية.... والله العظيم اعطوني امتياز

مع مرتبة الشرف الاولى.

لكن وهم استاذاتي كانو معي بمنتهى الذوق

ما قالو مثلك انك كاتبة فذة

وبنت عتيبة تلميذة

ولا عشان صلحت الاخطاء الاملائية الكثيرة في ردودك

يا عزيزتي....

تصلحها لك بنت عمك افضل من وحدة غريبة.

وهذا من باب الأمانة.


فهمتي خيتو علي ولا لا.