من غير ما تسأل..!!

[ناصر بن سعدي]

السلام عليكم


بدون مقدمات..!!


لعلها تحوز على رضاكم...!!
[poem=font="Simplified
Arabic,5,darkred,bold,normal"


bkcolor="transparent" bkimage="" border="none,4,gray" type=2 line=0 align=center use=ex num="0,black"]
قدام يلحقني مشاريه وحقوق=أنا يكفيني لنفسي عتابي
وإن كان يأغلى الناس لي هزك الشوق=ثم جيت تسأل وين حضرة جنابي
هذا جوابٍ ياصلك من ولد روق=يمكن يطوّل ياحبيبي غيابي
إسمع كلامي زين يأعز مخلوق=البعد طعنه مثل طعن الحرابي
والحب ماهو سلعةٍ داخل السوق=وأطولها بالمال وأحسب حسابي
الحب صدق إحساس ياعالي الذوق=والماء على إسمه مايعود سرابي
صدّقت فيّه قول حاقد ومطفوق=من غير ما تسأل وتسمع جوابي
وصفتني بهتان بالغدر والبوق=الله يردك لي ويجبر صوابي
أفرح ليا لاحت لي بجوّك بروق=ما باقي إلا..أطير من حر مابي
يمك عراميس الغلا سقتها سوق=يامضطهدني بين ظرسٍ ونابي
شوقي تعدا الوصف والقلب محروق=مير البلاء لن كان ما أحدٍ درى بي
من فرحتي بك جيتك وهامتي فوق= قدرك ليا هالحين فوق السحابي[/poem]




[align=center]وسلامتكم..!! [/align]