الرفيق اللي ليـا غبـت مـا يحمـي قفـاي

[محمد العتيبي]

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الرفيق اللي ليـا غبـت مـا يحمـي قفـاي= جل من لا صرت حاضر مانـي فـي حاجتـه
أحتمـي دوري ودور القبيلـه مــن وراي= جمّـدوا هـرج الفراغـات يـا هراجـتـه
كانهـا بمصامـخ الـروس ولا بـاي بـاي= خلـوا الفلـم المدبلـج عـلـى دبلاجـتـه
طول عمري ما استمع من ضعيف الراي راي= ولا طمعـت بديـك خيـبـر ولا دجاجـتـه
العداوه شـي عـادي تجينـي مـن عـداي= من نسج نسج العـداوات عرفـت نساجتـه
وان كلاني مخلـب مـن مخاليـب أصدقـاي= قلت ضاعت صيدتـه فـي طـرف عجاجتـه
وان ثناهـا مـرةٍ ثانيـه جعـلـه فــداي= لا فسـق كلـب الخواجـه كـلا خواجـتـه
الارض ماهي ورث ابي والسما ما هو سماي= مير الاعوج لاعترض لي عدلـت عواجتـه
أفـرده وأذوّقـه لمستيـنٍ مـن عـصـاي= وأدّبـه تأديـب طـفـلٍ عـلـى دراجـتـه
لين ينسى عنـاد راسـه ويذكـر مستـواي= ينتبـه ولا يسوهـج عـلـى سوهاجـتـه
في نظره الناس مالون واهـوه هـاي هـاي= والمـدوّج مـا بعـد فـاق مـن دوّاجـتـه
أبك أنا لو اشرب البحر مـا يقطـع ظمـاي= وانت مثل الضب يزحـف تحـت عجاجتـه[/poem]
[align=center]الشاعر / سلطان بن وسام الهاجري[/align]