الـــيــــوووم قــررت ابتعـــد عن حراوويك

[عبدالله المرشدي]

متواضعه امل ان تنال رضاكم

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اليوم قررت ابتعـد عـن حراويـك=من عقب مادورت لـك بالحـراوي
ماقول اببعد عنك وارجع واراضيـك=اقول انا فعلا علـى البعـد نـاوي
فيما مضى لاقفيت ملـزوم اناديـك=واليوم قربـك والبعـاد متسـاوي
بغيت قربك يوم انا كنـت شاريـك=لكن وصالـك مايجـي بالمنـاوي
تعبت واتعبت القدم فـي مماشيـك=والنفس طابت من حياة الشقـاوي
لو كنت تدري كيف انا كنت هاويك=ماكـان خليـت المحبـه لاهـاوي
يضيع وجهي كـل مامـر طاريـك=شكلي يقول انـي مسـوي بـلاوي
كني ليا من جابو اسمـك اداريـك=اخاف ذكرك يكشف اللـي خفـاوي
اتيه في وصفك بشعـري واواريـك=عن عين من قلبه لوصلك شفـاوي
غرك جمالـك تحسبنـي ماخليـك=لا لا حبيبي كنت بالحيـل غـاوي
زود الجمال وفاره الحسن مغويـك=ماعـاد لحـوال المحبيـن تـاوي
تجرح على كيفـك ولاهـم غاليـك=ماكنك انت اللـي لجرحـه تـداوي
يابو عيونٍ حـور محـدٍ يحاليـك=مافيه مثلـك بالحضـر والبـداوي
ربي عطاك الملح والزيـن ماليـك=كـنـك مـصـور فـتـةٍ للهواوي
سبحان منهو باجمل الوصف معطيك=من كل وصفٍ زين بالحيل حـاوي
يحق لك مادام غيـري طمـع فيـك=ويحق لي ابعـد مدامـك سهـاوي
صحيح اببعد بس مانـي بناسيـك=بذكرك لامن قمـت اغنـي غنـاوي
واطلب من المولى للاحسان يهديك=وتروف باللي صار مغرم وهـاوي[/poem]عبدالله مرزوق المرشدي