الليل حل ولا درى الليل وش جـاب

[محمد العتيبي]

[align=center]ايضا من جواهر (جوهر الحربي)[/align]
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الليل حل ولا درى الليل وش جـاب= والساليات من القلـوب ارجهنـت
كل دخل في منزله وأغلـق البـاب= ناس بحضرت مـن تـوده تهنـت
ورجعت للمنـزل حزيـن ومرتـاب= بالبال شـئ وفرحـة مـا تسنـت
قلت الصباح أرباح مالك والأنشـاب= ما كل نفـس حصلـت مـا تمنـت
واطفيت لمبة غرفتى والهوى طاب= واخذت افكـر واستمـع واتصنـت
اوحيت لى صوت على مسمعى ذاب= والنفس مع محزونة الصوت حنـت
حمامة يصغى لهـا كـل منصـاب= بالنوح والعزف الحزيـن استجنـت
ما غنت إلا لين نور القمـر غـاب= حسبي عليها بالدجي كيـف غنـت
ومن السعاده ما بقى عندها حساب= نادت لمجـروح الضمايـر وونـت
واخذت اجاوب صوتها حب واعجاب= وحالى من اللي حل فيها تـد نـت
من عبرتين فى الحشا تقل مشهاب= وحده دندت والثانيـه فيـه كنـت
تالى الدجى قمت اتمشي بالأسيـاب= والعين نادهـا السهـر واستعنـت
والله ما ادرى ويش ذنبي والأسباب= يوم أنهـا جـارت علـى وتجنـت[/poem]
[align=center]الشاعر / جوهر الحربي[/align]