---|| معذور ياوالدي معذور ||---

[ابن مسلم]

[align=center] بسم الله الرحمن الرحيم


أيها الآخوه الآعزاء هذه الأبيات كتبتها أيام غزو العراق للكويت وكان الوالد الله يرحمه ويغفرله ويغفر للوالده واموات المسلمين

جميع ينزعج إذا تأخرت مازرته وذاك الحين مافيه جوالات وفي يوم من ألأيام جاني خبر بأنه رادٍ له كم بيت وموجها لي لاكن المرسول
ماجابها كامله وانا والله ماحفظها ذالحين وإلا إن كان قلتها لاكن للأسف لاكتبت ولاحفظت وراحت مع راعيها الله يرحمه .ورديت عليه هالأبيات
أمل أن تحوزعلى رضاكم وتدعون له بالرحمه.
--|| معذورياوالدي معذور ||--[/align]



[poem=font="Simplified Arabic,5,black,normal,normal" bkcolor="skyblue" bkimage="" border="groove,6,black" type=0 line=0 align=center use=ex num="0,black"]
معذور ياوالدي معذور = معذور لوكنت زعلاني

وإن كان عنكم أغيب شهور= غصبٍ ولاني بطرباني
البعد ماني بله مسرور= لمقابلك دوم شفقاني
لاشك دنياً علينا تدور = فتـنه وحركك شيطاني
صدام فينا نوى بالبور= بديارنا النذل طمعاني
وأبوحقب وافقه بالشور= وحسين يرقص بعماني
والعلم إله عندنا مصرور=جيش(ن) لياثاربركاني
شعب السعودي مافيه قصور=يعجبك في كل ميداني
نحمي وطنا من المغرور= ومن مات ماهوب خسراني
موته ولاعيشته مقهور = في رحمت فلان وفلاني
جتني بيوتك ثلاث سطور = ورديت والزود مجاني
وأرجو السموحه على الميسور= باللعب ماني ببلشاني
منكم تعلمت يادكتور= وللناس حطيت ميزاني
مافيه حر(ن) ولِد عصفور= والذيب مايجيب فيراني
وأرجي عساكم بيتكم معمور= وباقي أخواني لهم شأني

والطيب من بيننا منشور= ياشيخ ياذرب الأيماني
وأعيد وأقول لك معذور= يا بوي لوكنت زعلاني[/poem]

وسلامتكم
[align=left]أبن مسلم[/align]