حــكــم القصاص...!!

[ناصر بن سعدي]

الإخوه الأعزاء


السلام عليكم

وبعد أن شرفني إخوي الغالي...صــــالح...

بقصيده جزله....من روائعه المعهوده..!!
على هذا الرابط
ويسرني أضع بين إيديكم..الرد..!!



[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سايق الـvxr حمل قاف محبوكٍ على آصي=شغله عجلان ناوٍ له لزومٍ باديٍ له
حرك وقرب على محطةٍ وسط النماصي=خاطب الهندي بقوله ياصديق أخلص ومله
قبل أحول واتنقد معك وأخبصها إختباصي=ثم حمل من رجال الطيب شله ثم تله
مايرده في طريقه لانقاط ولارصاصي=من يمره لاضمن منه السلامه مكسبٍ له
سايقه رجلٍ فدائي مايسوقه بإحتراصي=ياعسى الخيب فداه وكل لاشٍ فدوةٍ له
لو يبنشر موتره روح كما تمرير باصي=صار كوره كل شيٍ فيه مع دقه وجله
ياعسى الله يسلمه ويوصله كل المناصي=عزوتي صالح وليده والشكاله منهجٍ له
إقتنص كل المراجل والمروات إقتناصي=وافي وشهم وشجيع وصيرمي والعز خله
ماخضع للضيم والذله عليها صار عاصي=منزله حول القمر فوق النجوم المستقله
مرحبا عداد مايسجد لخالقنا نواصي=والشحم فال الوجيه المسفرات المسفهله
ياهلا يامرحبا ترحيب بالطيب امتواصي=أنتم وشرواكم من أهل الوفاء بالعين حله
وأبشروا من رجلٍ اخطا فوقكم بالاقتصاصي=منه نقتص الكم وسيف الجزاء فوقه نسله
واجبي نفعة رفيع القدر ماعنها مناصي=بالشدايد عمري وجاهي ومالي فزعةٍ له
إعلموا ياربعي إني فالصعيبات إختصاصي=شاب راسي والتجارب مابها فالوقت قله
والذي يسحب مياه البحر عبر الامتصاصي=سرنا مدفون قاع البحر لو يقدر يفله[/poem]
[align=center]وسلامتكم..!![/align]