ياخالد

[محمد بن دغيم السميري]

[frame="9 80"][align=center]الإبن/خالد وطلباتٍ لم تنتهي بعد[/align]


[poem=font="simplified arabic,5,black,bold,normal" bkcolor="transparent" bkimage="../backgrounds/14.gif" border="double,10,darkblue" type=0 line=0 align=center use=ex num="0,black"]
ياخالد إسمعني وجاوب لي إنداي=صوتي علامك ماتطيق إستماعه
وضّح طلبك وعد دعواك دعواي=وأجيك بالمطلوب في ربع ساعه
لياقلت لي يابوي جيتك من أقصاي=واوامرك ياشبل عندي مطاعه
دايم عشانك للبلد رايحٍ جاي=اطاوعك لو كان ماش إستطاعه
انهيت مصروفي وقدّرت مخباي=ولافيه يوم إلاّ تبالك بضاعه
مصخرٍ لك كل ماتملك إيداي=تأمر وانا اقول لك سمعاً وطاعه
وانته تعاندني ولاتسمع ارياي=مدري غشامه منك وألاّ دلاعه
لاتشتكيني ماتحل إلك شكواي=وان طعتني مالك ومال اللكاعه
اعطيك ماتطلب وفي وقتنا الجاي=ارجيك رجوى اللي زرع له زراعه
ان كان ماخيّبت ظنّي ورجواي=وطلعت بكره من خيار الجماعه
أباك تفعل معي فعلي بولداي=ليا صرت بكره معك مثل الوداعه
عساك تلطف بي ليا ضعفت أعضاي=وغديت مثل اللي بسن الرضاعه
ليا قمت اتوع وتخطي الدرب رجلاي=وهم الكبر خيّم عليّه شراعه
ويالله ياعالم بسري ونجواي=ارجيك تشفع لي بيوم الشفاعه
ويالله لاتقطع بمثلي وشرواي=مادام انا مانيب راعي قطاعه
واطلبك رزقٍ منك ماهوب لسواي=رزقٍ يدوم ولايدوم إنقطاعه
وأغفر لي إذنوبي وبدل لي اخطاي=حسنات وأمّني بيوم المراعه
ويالله بفضلٍ منك تغفر لولداي=اللي رعوني يوم مالي مناعه[/poem][/frame]