قلبي معك يا خال

[النـايــــــف]

((عظيم هو المصاب وكبير ذلك الخطب ولكن لا نقول الا إنا لله وإنا إليه راجعون ))

إليك يا خالي (( غازي بن محمسن أبو ثنتين ))

كلمات تسبقها دموعي لما أصابك وأصابنا جميعا من فقد كريمتك وأختي وإبنة هذا الوطن الشهيدة بإذن الله (( عواطف )) التي كانت من ضمن ضحايا حادث معلمات عفيف يوم الاحد 28/4/1426 هـ نسأل الله لها المغفرة والجنان ولك ولنا الصبر والسلوان ولا ننسى بناتنا الشهيدات ( زبيدة وتهاني وسارة ) رحمهن الله ونعزي ذويهم ونواسي ذوي الشهيد السائق ( ابو راكان ) ونسأل الله الشفاء العاجل للمصابات .

[poem=font="Simplified Arabic,4,white,normal,normal" bkcolor="black" bkimage="" border="outset,4,gray" type=0 line=0 align=center use=ex num="0,black"]
هز الديار اليوم علمٍ سمعناه = تل الخفوق ورج بأقصى محانيه
منه أرتد أذاك البلد أسود رداه = وتلثمت كل الشوارع تعزيه
جيت المكان وراعني مالقيناه = لقيت ربع الدار منفجعةٍ فيه
مديت كف الود للحرف بنخاه = وقمت أنتخي بالقاف عندي وأناديه
هذي ثلاث أيام والحزن يقفاه = هم لجا في خافقي قلت ببديه
حر في يعبر عن مفاهيم مغزاه = في بيتي اللي ثابتات سواريه
بواسي اللي حزنه اليوم بأقصاه = قلبي معك ياخال صرت أعزيه
جيتك بواسي خاطرٍ زاد شكواه = ورعد سحاب العين وبيح خوافيه
والد مع سابق خطوتي حين ملفاه = عيت تكف العين وعجزت أداريه
وهمٍ تطاول خافي أمي وناداه = بدموع حزنٍ يا عسى الله يعديه
يمه طلبتك لا تزيدين بلواه = بلسم جروحك لا ادبر الوقت تنصيه
الله كتب أمره ولا بد نرضاه = ويا غالية هالدرب كلٍ مشى فيه
وهذا القدر يا خال كم راس عنّاه = لا حول للمخلوق ولا قوةٍ فيه
الله يعو فقدك بحق رجواه = ينزل على قلبك سكينه تهديه
يمد لك دايم من الوقت حسناه = وجيش الحزن ينساك وتبعد خطاويه
ياخال خل الجوف يطرد خفاياه = صاحب أمانه وعود الحق يوفيه
أصبر لأمر ربك ويجزل عطاياه = يأخذ ويعطي ومن له الحق يوفيه
ويجبر مصاب الوالدة ربي ويرفاه = حضن الحنان اللي عواطف ربت فيه
أنسى هموم القلب راعي حناياه = ويا خالتي هالدمع بالصبر كفيه
دمعٍ سكن في ناظرك وانتثر ماه = حلفتك الله بيدك اليوم تمحيه
وأدعو لها ياعل يسقى بمنشاه = ذاك الثرى والغيث دايم يغطيه
يجعل من الجنه لها بيت ويبناه = يغفر لها المعبود وعطفه تلاقيه
يسبل عليها رحمة ٍ منه معطاه = ذاك المحيا من لضى النار ينجيه
يالله ياغافر لعبدك خطاياه = ياواحدٍ بأمرك تميته وتحييه
تجعل هذاك الورد بالخلد منماه = أربع شهيدات الوطن وانبتن فيه
منا لأهلهن كل صبح وممساه = دعوة خفوقٍ قاسي الهم يطويه
يبني لهن دارٍ من المسك سكناه = في جنة الفردوس حورٍ تنعّم فيه
ويحسن عزا راكان وأمه وملفاه = في والدٍ له حق بالدمع نرثيه
مخلص وهمه ماتواني مطاياه = لين الحريق أجتاح درب ٍ يقديه
هذا القدر مكتوب ولا بد نقراه = على جبين الوقت لو طال باديه
حق علينا من رحل دوم ننعاه = ما ينتسى لو كان تقصر خطاويه
وحق علينا الدمع يا خال نمحاه = ونصبر على المقسوم لو ما ندانيه
وجعل العمر ياخال لك دوم تحياه = في طاعة المخلوق تسجد وتدعيه
هذا شعوري قاصرٍ فيه معناه = شي لجا في خاطري قلت ببديه[/poem]



الشاعرة / العاتي بنت عوض القسامي العطاوي



منقول من جريدة الرياض