هفي مهف مقيط مع هفة إرشاه

[شجاع الأكلبي]

موقف تمخض بهذه المتواضعة علّها تنال إعجابكم




[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=1 align=center use=sp num="0,black"]
يابنت أنا للوقت مانيب تسلاه=ولا أمشي بدرب ٍ تاليته الضياعي

تلقين مثلك من تسلين وياه=إللي لشيمات العرب مايراعي

شبحي بعيد وكل ضلع آتعلاه=ويفرق على باع الرياجيل باعي

هذي ثقه للروح مشروبه إغذاه=جعلتها للنفس خيرة متاعي

ومانيب عن درب السنع مسلكه تاه=وعيون كل الناس صوبي تراعي

أخشى على الناموس وأخشى على الجاه=وأطمع بذكر ٍ طيب ٍ لي يشاعي

إللي يجاريكن حمل داه برداه=حرج على السمعة بلا ش ٍ وباعي

فهفي مهف مقيط مع هفة إرشاه=مافاد شي ٍ يوم للبوق تاعي

هذا جزا الدنيا وقدّامه أخراه=يوم ٍ عصيب يشيّب أهل الرضاعي

وأختامها مانيب للوقت تسلاه=ولا أمشي بدرب ٍ تاليته الضياعي [/poem]



هذي خاصه لبنات الترقيم أيضاً وموجهة لمن هم على شاكلتهم من الشباب ولا في أخواتنا من يفوقون الرجال دين وخلق ومحافظة