مرثية غازي بن طلق ابن ثعلي في والده رحمه الله

[إبن ثعلي]

مرثية غازي بن طلق بن سعد بن ثعلي في والده طلق عليه سحائب الرحمه ومهما قيل فيه فلن يعطى حقه

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مبتدانا ذكر رب يعلم الخافيات=عالم بالناس واللي تكن قلوبها
الله اكبر كل ماراحت الدنيا وجات=تجبر العقال حتى تشق حيوبها
يوم بعض الناس داله ونومه في سبات=غرته سود الليالي بطرق العوبها
ماتقلب مثل غازي يعد الساريات=والمدامع تذرف الدمع فوق احجوبها
ابكي اللي غاب عني ووافاه الممات=امس داخل ظلمة القبر تحت انصوبها
اه ياكبرالمصيبه علينا يا ثقات=الغميصه خنجر ما احتملت اضروبها
لايمي في حب الاباء وحب الامهات=يفتقدهم ويخسر عيشة عاشو بها
واوجودي وجدمظلوم قصوه الطغاة=ارشو القاضي وجاب الحجج ودروبها
واصدر الحكم وتنفذعلى الفاني وفاة=تطرق امه بالكفوف وتقص اجيوبها
او وجود اللي مشرد وعايش في شتات=مامعه حيله وضاقت عليها سيوبها
وجدنا يابو سعد دايم طول الحياة=وجد قوم كل يوم تزيد ذنوبها
حزن الشايب وحزنن عليك المرضعات=واكتسينا حلة والتبسنا ثوبها
الحزن في القاهره حط مقيال ومباة=وطاف بقلوب العرب والديار يجوبها
ماتهنت عين سمعت بموتك والوفاة=والقلوب المومنه سار همه صوبها
وافقدوك الطيبين وكريمين الصفاة=مار حكمه والعرب كلهم رضيو بها
من يحبه حي ماهوب ناسي يوم مات=والليال مقلبه لو صفىمشروبها
والذي نزل تبارك وجاب الذاريات=لو يوكل في المنايالخط اكتوبها
ولو يجوزا لهدي دونك يابوغازي ميات=سقت روحي دون روحك بوقت اوجوبها
مار حنا مومنين وعلى شرع وصلاة=ونعرف ان الخلق تاقف على مكتوبها
صابرين بحكمة الله بوقت المفجعات=نحتمل جور الليالي وطحن جيوبها
لوهي تركي علينا رماح مبهمات=تركي الدنيا قدمها على عرقوبها
والله اكبر وان ذكرت السنسن الفايتات=ورفقة اللي رفقته للعرب وانبوبها
نذكرك ياللي تشيل الحمول الكايدات=يوم صلفات الليالي تضارس نوبها
القبيله يذكرونك بحل المعضلات=وسطوة الحكام ومخاصمة مندوبها
يوم تقسيم الدير واعتقاب المرجفات=وقفتك مشهورة والعرب شهدوا بها
في الضروف القاسيه والسنين القاسيات=حجتك باس وقساوه وهم قنعوا بها
انت للعلم الصعب وانت راع الواجبات=المخاطر طول عمرك تدوس اصعوبها
يوم روجات الركايب وسرب المتقنات=قرت الديره بمثلك على منصوبها
وكان لجن بالصوايح ولجن بالشمات=انته المزبن وكلن يحطك صوبها
انت لوخفت عقول العرب فيك الثبات=لياتعزووا في المحاضر وجات احضوبها
انت راع الصامله في الظروف الحالكات=حد سيف في جباه العدى وحنوبها
ما تناطح غير روس الجبال الشامخات=صيرمي ترخص الروح في مطلوبها
عاضك الله في الممات بقصور عاليات=تسكن الفردوس من ضمن من سكنو بها
وعاضنا الله فيك بالصبرمن عقب الممات=ولاتغيب الشمس لوتختفي بغروبها
والعوض عند الولي في البيوت العامرات=بسربة تعرف اوصول العرب ودروبها
العيال اللي تربوا على خير الصفاة=فرحتي عزي حجاي وذرى لهبوبها
وممن غلاك ادعو دعاء من يريد لك النجاة= تسكن الجنه رفيقا لمن فازوا بها
والله اكبر كل ماراحت الدنيا وجات= والبشر تجري وتاقف على مكتوبها
وفي الختام اسلم واسلم واكثر في الصلاة=للنبي عداد خط القلم واكتوبها[/poem]
غازي طلق