قصيده الغزل للشاعر / مرير الحبيل

[بن حدران]

.... السلام عليكم ورحمه الله وبركاته....


هذي طول الله اعماركم قصيده للشاعر / مرير بن عبد المحسن الحبيل الحمّادي...




سالفه القصيده يالربع انه كان مشارك ابو ياسر في امسيه عبر الاجهزه ومشاركين معه شعار ومن ضمن هالشعار شاعره ,,, وابو ياسر رجالٍ فيه خير ولا يبا العلوم هذي وقال يالربع ان كانكم تبوني اشارك معكم في هالامسيه لاتدخل البنت هذي اللي هي الشاعره وقالوا تم يابوا ياسر وطلعوها ,,, وكملوا الامسيه قصيد وهبه ريح ... واثر الرياجيل يبون البنت ويجاملون ابو ياسر ,,, ودخل عليهم مره الا والله انها مشاركه معهم ,,, ويسمع الشعار لا قالت قصيده قالو لها صح لسانتس يا عمري وصح لسانتس حبيبتي ... ويسمع كل شاعر يقول قصيده غزل فيها ,,, قال اسمعي يا بنت تراني قايلٍ فيتس قصيده يوم استانست واستغربوا الشعار قالوا انت يابو ياسر قال نعم حلال علاكم حرام علانا ,,, وهو من اليوم يسمع عدنها حس ورع الظاهر والله العالم انها متزوجه ,,, وظبط قصيده الرجال..


يقول :

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يابنت قلبــتس يفعل العيب ما حــس=وان ما هــداه الله عسـى الله يخســـه
يكفــي غـزل للناس ياخــاينه بــس =خلي حــلالتس قفـر لأحــد يعســــه
أبليس لتس يابنـت في الشـــر وسـوس =تعــوذي بـالله لعلــه يخســــــه
الســتر لـه ثــوب مــن العـز يلبـس =وجســم الشــرف ما كل رجل يجســـه
عـار ونـار مذهـب البنـت يلمـس =وعـرض المـره ادنـاة شـيء يهســـه
يابنـت عرضــتسك بالمجـالـس يدنـس =حـدر النصـايب جعـل ربعـتس تدســـه
ولا جـايتس الا مثل ما قيـل واخـــس =واللـي شــرفها غـالي ما نمســــه
ياورع ياللي عنـدها بان لـك حـــس =قلبك على امـك يوم خـانتك نســــــه
امـك تغازل من ورى ابـوك بالــدس =والله مـن رجـــل تلــذذ بحســـــه
قله تـراخي الحبـل يحتـاج له مــس=وعلـم لأبـوك الحبـل لازم يمســـه
ولا يشـيل العـارلاعـاد يجلــس =في وســط بيت عـاش ما فيـه هســــه
قلـه يجـوز عن النجــس لا يتنجـس=ثـم يقلعـه ياليـن يقلـع مرســــه
ولا تلحقونـه مـن حسـايف ليـا طــس=عسـى العمى في نون عينه يطســـــه [/poem]