قالت تعرف الحب ولا انت كـــــــــــــــــذاب

[ليث عتيبه]

[align=center]هذي قصيدة اعجبتني وحبيت انقلها لكم[/align]






[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
قالت تعرف الحب ولا انت كــــــذاب= قلت انشدي قلبن تزايد عذابـــــــــه

ادري وش علومه وهو مثل الاطناب = اللي تشد البيت وقت الهبابــــــــــــه

به حب يبقى شاب لوصاحبه شاب = وحبن يشيب وصاحبه في شبابـــه

وحبن يغيب وصاحبه مابعد غــــــاب = وحبن يدوم وصاحبه في غيابـــــــه

وحبن يذوّب خافقن مابعــــــــــد ذاب= وحبن يداوي صاحبه من عذابـــــــه

وحبن يتوّب خافقن مابعد تـــــــــاب = وحبن يزيدك رغبتن في الكتابــــــه

وحبن حياته كلها لوم وعتـــــــــــاب = وحبن حقيقي مــايضرك عتابـــــــــه

وحبن بلا معنى وحبن بلا اسبــــاب = يبدى غريب وينتهي في غرابـــــــه

وحبن ضعيفن مثل حبرن على كتاب = تمحيه دمعات الحزن والكآبــــــــــه

وحبن قويّن مثل قصرن له ابـــــــواب = لو هب عاتي الريح مـــااهتز بابــــــه

وحبن بداية رحلته نظرة اعجــــــــاب = وآخر مطافه مثل يومـــن بدا بــــــــه

وحبن خفيًّ داخل قلوب الاحبــــــاب = وحبن يشيع وكـــل حيًّ درابـــــــــه

وحبن مقامه في حنايا الصدر طـــاب = وحبن يعدّي مثل مشي السحــــــــابه

وحبن على قبره نعق بوم وغــــــراب = وحبن مثل لحنن تجرّه ربــــابــــــــــه

وحبن بمقدارن وحبن بلا حســــــاب = وحبن عطيّة خير وحبن نهــابــــــــه

وحبن غدا سرّه سوالف للاجنــــــاب = وحبن توفى صاحبه مـــاحكى بـــــه

وحبي جمع من كل ماقلت وماتــاب = ولانيب كذابن وقلبي شقــــا بــــــــه[/poem]




[align=center]وســـــــــــــــلامتكم[/align]







[align=center]_[/align]