هرج الحلا واتلااااه مر ٍ ملا كاس ..

[غصون]

[poem=font="Arial,6,black,bold,normal" bkcolor="transparent" bkimage="" border="solid,2,black" type=1 line=0 align=center use=ex num="0,black"]
يابو فهد جربت ناس ٍ مـن النـاس=تعطينـي الكلمـه بليـا قيـاسـي
هرج الحلا وأتلاه مر ٍ مـلا كـاس=يطفح على كبد ٍ رعاهـا اليباسـي
حتى ولو جن صم الافكـار نكـاس=تزيـد لهفـات الشقـا والعماسـي
حقي على رجل ٍ حفيظ ٍ له السـاس=فتاق صعبات الصخـور الرواسـي
ماهوب عما قيـل بالفعـل هسـاس=والاّ من اللـي عذرهـم بالتناسـي
جابوه صقارين من وكـر قرنـاس =ماهوب من عش الرخوم الهداسـي
هذا الذي قدره على العين والـراس=لرضاه أطاوع لو على قطع راسـي
مثلك ومثل اللـي معانيـه بقيـاس=فضه ماهي مخلوطـة ٍ بالنحاسـي
من جد ساس ومن نسب عز مغراس=صلب ٍ طلع من صلب لين وقاسـي
لين لمن جا له مع العسر هوجـاس =راميه حظه فـي طريـق العكاسـي
يقـوم معـه ولا يفكـر بالانجـاس=اللـي مراجلهـم عليهـم دناسـي
مخطين واجبهم قليليـن الاحسـاس=عن جودة الطيب يجيهـم نعاسـي
يرجع لياجاهم على بنـك الافـلاس=ماجربوا جور الدهـر والمساسـي
وإنهاية الموضوع غنيت باحسـاس=منها رجف قلب ٍ بعد كـان راسـي
اهديت لك قافي وخصك من النـاس=ياشوق سادية القـرون الكواسـي
وصلاة ربي عـد ماهـب نسنـاس=وعـداد ماتـذر الـذوار الطعاسـي
[/poem]

[align=center]
للشاعر نياف العتيبي

منقول[/align].