$*(( مبـــــــــــــــــنى الجامـــــــــــــــعه ))*$

[عذب الكلام]

بســـــــــــــــــــــــــــــــم الله الرحمـــــــــــــــــن الرحيــــــــــــــــم
هذه قصه عتيبي يحب وحده راحت لها ثمان سنين عنه وصدفه قابلها في مستشفى الجامعه في الرياض وهذا العتيبي شاعر من شعراء الذين يكتبون الشعر لروحه مو للمجلات والجرايد وانتشرت القصيده بسرعه هائله في بين المجتمع ويكتب القصيده لولد عمه سعود ويقول العازمي :
شفتها ياسعود صدفه عقب ما غابت سنين 0000 عند باب المختبر وسط مبنى الجامعه 0
جيتها وقلت لها ممكن في سوالي تسمحين 0000 ناظرت فيني بدهشه نظرت متواضعه 0
قالت انت تحسب اني من بنا ت صايعين 0000 انت تحسب اني عن طريقي ضائعه0
قالت انا ماراح اطول كلبوها كلمتين 000000 وابعدت عني شويه ثم جتني راجعه 0
قالت اسال واضح انك من رجال طيبين 00000 بس هرجك يالسنافي كان وشهو دافعه 0
قلت انا حبيت وحده يوم كنا صغيرين 000000 من ثمان سنين راحت للمواصل قاطعه 0
عقبها ما ذقت نوم يهتني فيه النايمين 000000 ساهر طول ليلي لين شمسي طالعه 0
اذكر انه فيه حبه فوق ثغره من يمين 00000 واذكر انه لاجرينا كن شعره تابعه0
اذكر انه كان يعشق في الورود الياسمين 00000 صار قلبي للورود اللي عشقاه زارعه 0
طابع اسمه في قلبي فيه (سين )وفيه (عين)0000 وفيه (الف)وفيه (دال) وسط قلبي طابعه 0
قاطعتني بقولها سبحان رب العالمين 00000كررتها مره ومرتين ورابعه0
قلت وشبك وش علامك يابنيه ترجفين 0000 ليه عينك يا بنيه من كلامي دامعه0
قالت الموقف وقلبي والمحبه والحنين 00000كيف اشوفك عقب ما كنت عنك قانعه 0
انا دنياي حالها كنه حال السجين 00000 حتى لو فكوا سراحه فيه شي مانعه 0
زوجوني واحد واحرموني جاحتين 00000 السعاده في زماني والحياه الرائعه 0
وانا الحين ام الثلاث عندي ريم وياسمين 0000 والولد اسمه على اسمك والمشاعر جايعه 0



اخوكم : عـــــــــــــــــــــــذب الكـــــــــــــــــلام 0000