قصيدة الـvxr

[سفير عتيبه]

بسم الله الرحمن الرحيم

اخواني اعضاء منتدى قبيلة عتيبه
هذه اول مشاركه ونشالله تحوز على رضاكم
اخوكم سفير عتيبة



[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ابعدي ياضيقة الصدر عنـي واغربـي=عن محيا سمح لاضاق للمولى سجد
لاذكرت الله من الخوف عزّي لركِبـي=كيف اكابر والله الواحد الفرد الصمد
لنّي ادري تالي العمر وشهو مكسبي=ياتجـرّع مـر ولا اتـلـذذ بالشّهـد
ياهجوس الشعر غني بصوتي والعبي=بين ديرة جابر الخيـر والعاهل فهـد
للعرب مذهب وانا فالشعر لي مذهبـي=وكل واحد شيخ روحه نزل ولاّصعد
دامني من بحر الاشعار عارف مشربي=سجلونـي للجزالـه وكيل ٍمعتـمـد
ويش عاد اقول وانا محـدّد منصبـي=مابقى الا لمحة البرق لاحـن الرّعـد
راكب اللي لستوى الخط مايدبي دبـي=منـوة السواق فالقـار ولاّ فالجـلـد
اسمـه ال(vxr)ولاّعريـب المنسبـي=يـوم غيـره لاذكرنـاه تِكمالة عـدد
جابه الساير يغيض الفطيمي في دبـي=كاتب ٍفي دفتـره كافلينـه لـلابـد
ان نطحته قلـت لبيه ياوجـه الظبـي=وان قفيته قلت حـر ٍ يبشّر بالهـدد
طلتـه طلـة حليمـه وريمـا مكتبـي=ماعلي امن الطبايع علي امن الجسد
كن صوت محركاتـه تـردّد ياصبـي=الله اللي عزنـا وين وابشر بالسعـد
صانعه ماقال ضيّعت جِهـدي واتعبي=لنّه اصلاً سهم رابح ومكسب للبلـد
صانعه ملعون كوثر وكافـر واجنبـي=مايفكّر فالقبر والنصايـب واللّحـد
لو اقول انه غبي كيف يصنع ذا غبي؟؟=مااعتقد ان الغبا من صفاته مااعتقـد
ان تكلّم جات الاحرف ذليلـه وتحبـي=من كلامه كن عنده مشاكـل فالغـدد
الوكاد انه تفـوّق على كـل أعربـي=لاتعهـد لك بحاجه تمسّـك بالعهـد
ولا حنّا والنعم بـس في كلمـة ابـي=ابي هذي وابي هذي وابي هذي بعـد
شغلنا الشاغل لا ذعذع نسيم المغربـي=إلبس عقالك وحافظ على الغتره هدد
نفتخر ونقول حنـا على نهـج النبـي=ونتفاخر بالقصايـد ولا فينا جـهـد
الولد لامن سألتـه عريـض المنكبـي=قال انا شوق الغنادير مَنّـور وشهـد
اعـرف mbc فيهـا رزان المغربـي=واعرف اللمبي بطولتك يامحمد سعـد
ولا سئلت العود غنى ياكنزي وذهبـي=التجـاره عندنا فالنعـيـم وفالنّـجـد
ويوم جات قريش تبغي تخون اليثربـي=وين راح العود ولاّ الولد وين الولد
الله اكبر يازمان ٍ سبـى حالـي سبـي=الوعد مدري متى ويـن لكن الوعد
كان عمري طال والله لحقّـق مطلبـي=وعقّب اللي فالشدايـد يمينـه ترتعد
والهنوف اللي تحاكت وقالت وش تبـي=قلت انا قالت نعم انت وش عندك بعد
دون مااشعر جات يمناي من فوق اشنبي=وابتسمت وقلت ياجعل مافيها بـرد
ان طفت نار الغلا ماطفت نار حطبـي=والدليل اني باصرح ولا عندي فحد
دامني مرتاح واشوف زول امي وابـي=جعل عين ٍماتبيني يطاولها الرّمـد[/poem]