قصيده اعجبتني ..

[فهد العايضي]

[align=center]السلام عليكم ورحمة الله وبركاته [/align]

[align=center] هذه قصيده مؤثره قالها الشاعر عايض بن سعود العصيمي عندم كان يتعالج في المانيا رحمه الله [/align]

[poem=font="Simplified Arabic,4,white,bold,normal" bkcolor="teal" bkimage="" border="double,10,darkred" type=0 line=0 align=center use=ex num="0,black"]

يالله يافارج همـــــوم اليــا جــــــن = ياواحـــد فوق السمــــوات عـــالـــي
يارافع سبــــع وسبـــع بسطــهــــن = ومــرسي الجبال الشامخات العوالـي
يامحصين خلقه من الانس والجــن =واخـرجت يوسف من جـبـا جبو خالي
واصبح بري من خطـــايا يكــــادن =الاولـــه والـــلاحقــــــات الــتـوالــــي
ابرج المــن كنــه على اللي يقالـــن =جــمــر الغضا لازاد فيــــه اشتعالــي
وادمــوع عيني فوق حجري يصبن ..=تشــدي غروب تحــت هجـف المحالي
دايــم علــى خـــده وعينــــه يكفـــن = مثل المطــر من مســتـــهل الخيــالــي
واليا سـألـت اعــيونا وش بلاهــــن =جــات الاجــابــه قبــل فتـح السـؤالــي
امس الضحى في دار واليوم مع من =امــع اليــــهود محــرمــين الحــلالــــي
في دار هتلر مانعرف المـــــــــؤذن = دار عســـاها بالـــمحــــى والـزوالـــي
ياعيد ماصبركم على ديـرة الجــــن=لا خــوان لا عمـــان لامــن خوالــــي
عزي لكم ياعيـــد مــثـل المسجـــــن = وانا بعـــد ياعيـــد عــزي لحالــــــــي
عقب الجماعه جالـس في بلــد مـــن =لاحـــــد مســفــرني ولانــيـــب جالــي
ياعيــــد لو تعـــرف فروخ يلـجــــن =في دارنـــا مايــدركـــــن النــوالـــــــي
قصار ريـــش ومالــك الله يطـــيرن =حــب تحــت رب عزيـــز الجــلالــــي
ويانجـر يامشكـاي عينــــك عليــهن =وخلـــك عليهــن مثــل وصف الظلالي
وياسعـود ظني فيـك لاتخـلف الظـن =بــتــروف باخوانــك ســواة العيالـــي
حاذور لامــروك نـاديــت ياهــــــن = وتميـــل مــع بقعـــى على كل جالـــي
ووصيـــك ياهنـــدي وصية عليهـن=انــــت الولــي والله علـــى كل والـــي
ارفـــق عليهـــن لين حتى يضفـــن =وآمـــر عــلـيهــن بالرضا والعدالـــي
وافطـــن لـهــن ياذيب لين يتعــشـن =ولايـــمــرحن الــليــل والبــطن خالي
حتى يجــي يوم خواتــــك يقومــــن = انـت الــذي تربــا وانـــا راس مالــي
واسـلـم وسـلـم لـي على من نشدعن =وقلـــه تراي بـــدار ساكـــن لحالـــي
ماعـنـدي الا قــوم جـــن تراطــــن = لاحــد يســـأل ولايجيـــب السؤالــي
وعيونــهــن زرق ولادري وشنـهن=يحـــرم عليــهن ســتـرهن والجمالي
وجدي على شوف الهضاب يتزامن = دار ســـكـــناهـــا قديــــمــا وتــالــي
اديــارنا في نجــد محـــروم ينســن= ام غـــلاها مـــن ورا كـــل غـــالــي
وزواجـها مــن جدنــا سنــها ســـن = على الشــــريعه واشقـــر الدم سالــي
يــوم انحــدر بجموعه اللــي تبارن =من حــــد بيشـــه للمـــدينه شــمـــالي
وعــزم ولــزم للمعــارك يخوضـن =ماهـــمـــه الـــلي قـــاعـــد بالتــــوالي
حتى سكــن في نجـد غصب بلامن =واحتــــل دار مكـــرمـــين الســـــبالي
من بعــد خيل وجيش للشيــخ يهدن = خـــلوه عـــــن داره يشــــد الرحالــي
ربعــي ترى عتـــبـــان ياقايل مــن = اللي تكـــــــرم ضيــــفـــها بالخيـالي
ذبـــــح المربى عنــدهم دايــم فـــن=هذا بعــــد تقديــــم كيــــف الدلالــــي
لاجيـــت مجــلــسهم لــزوم يلــقــن = ماحـــــســبوا في دقـــهـــا والجــلالي
وياعــيد مارســلنا التذاكـر يحجزن =ماغـــير اعــــد أيـــــامها والليـــالــي
متـــى نوادعــــكم الياجــن يمــشــن =ومتــــى تحلـــق بالســــما ياطــــلالي
حتــى نجــي بديـار من يحرق البن = سواة ابـــو يونس صديقـــا صفـــالي
ابومحــمــد يـــوم عنـــدك تــلافـــن = وجيـــــه النشــــاما الطيـبين الغوالي
بلــغ سلامــا مرسلــيـنــه بلامـــــن = بافضل تحياتــي لـــهـــاك الرجالـــي [/poem]


وتقبلوا تحاتي الغـــــريــــب