من قصايد خلف بن هذال

[الشـامخ]

توكلنا على الله والله اللـي يقضـي الحاجـات

الا صرت قفول أبواب غيره مـا أنقفـل بابـه
بديع الصنع جبـار الخواطـر واقـي العثـرات
عزيـز الجـاه مـا غيـره الآه ولا كفرنابـه
على ارض من منى نلقى ملكنا وابرك الحـزات
عسى عمره طويل وعطر الله قبر مـن جابـه
تجمعنا على الراي الرشيد وعاشـت الرايـات
ولا نرفـع شعـار الا بـشـرع الله وكتـابـه

ولا نخطي و لانرضى الخطى بين من الحـالات
ومن يخطي ولو هو من حدينا ما حسبنـا بـه

ولا نخدع ولا نخدع ولو راحت علـوم وجـات
ولا يهزم بنا الجمـع الكبيـر إذا حضـر نابـه

اليا منا بطشنا بطشنا ما هـو مـن السهـلات
اليا شفنا البطوش امباطشي يبطش بطشنا بـه

واعلام العالم المسموم مهما اشتدت الحمـلات
ما ينقص من البحر قطـره ولايرفـع و جابـه

تعذبنا من الاسـلام والجهـل المركـب فـات
نحدث من حديث اللـي هدانـا واهتدينـا بـه

وبعد ما قلت اقول ويستفيض القـول بالأبيـات
على هذا الزعيم اللي تعـود العـرب لأنسابـه

عريب الأصل حر الفصل والمنشأ رفيع الـذات
غريب الوصف ما مثلـه ولا وصـف يحلابـه

على وجهه ملائكة الرضى ترسم لنا البسمـات
بعد صبح تبسـم وابتسـم لـه وابتسمنـا بـه

صليب الراي حلال المشاكل مخلـف الهقـوات
يكيل الصاع بالصاعيـن لأخصامـه وحرابـه

يحايل بالحيـل ومحايلـي ويحلحـل الحيـلات
بحل من الحلول تحال من حلـه ومنسـا بـه

يوقت للحدث قبل العبـث عقـارب الساعـات
ولا يضغـط زنـاد الا يدقـق ويـن مضرابـه

صميدع من مرفعة الخشـوم ينـزل النعـرات
ولا قد ضاع حق عن الفهـد والفهـد طلابـه

مخضرم والسياسه مخ راسـه مثبتـه بثبـات
عرفناها مـن الأحـداث والتاريـخ نقـرا بـه

يغيث المستغيث وينقل المسلـم مـن النكبـات
ما هو بمقامري يفرض الجزيه علـى أحزابـه

يجينا المستجيـر بيـوم تتغيـر بـه اللهجـات
لغـة مدفـع ومـا يدفـع وطيـاره ودبـابـه

يجازف ما يساوم ينهـي البيعـات والشريـات
ما عاد يباع في سوقه وابد ما عاد يشـرا بـه

فهد يا فزعة العاجز فهد يـا راعـي العـادات
فهد يا عزوة الشعب السعودي ومن تعزوا بـه

فهد يا صادق النخوة فهد يا صامـل الوقفـات
قدمه مكرسه من أوتاد الحجاز ونجد واهضابـه

تحيزم لثعلب حزام أسـد وخـذ الحـذر مـرات
ترى المحسود عدوانه تصير اكثر من أصحابـه

حكيـم ولا توصـى منتبـه وتعـدل الغلطـات
وتلقى الراي مع راعي الغنم لو هو بمشعابـه

صديقك من يقاسمك الهموم بساعة الضيقـات
يصيبه هم مـن همـك وعنـك الهـم ينتابـه

ولا ينفع مع الخاين سعة بال وصبـر وسكـات
قليل أحسان حلو لسـان دود الحقـد يرعابـه

ولا تامن من النجس القريب يـدور الفرصـات
ولو حطك بعينه واقتنعـت انـك مـن احبابـه

ولا تامن مبيعة العهود وهـم اهـل البوقـات
إذا اصبح واحد منهم بعهد اصبح ولا امسا بـه

ولا تامـن منقبـة القبـور بكشفـة العـورات
يشيلـون الكفـن ويدمدمـون القبـر بترابـه

ولا تامن سحابة صيف يلقح باسـرع الأوقـات
أديار عامره بشعوبهـا راحـت مـن اسبابـه

ولا تامن لفروخ الداب لو عاشن وابوهن مـات
يجـن الصبـح بانيـاب تنسـل كنهـا انيابـه

ترى ما حل في بعض الدول تنبيـه وانـذارات
ومن لا ينتبـه معـك يـا التيـار يغـدا بـه

صحيح اهل القرى ماياخذون الا على الغفـلات
عبر والمعتبر يعيـا الامـور وياخـذ احسابـه

حمانا الله ونكران الجميل مـن اخطـر الأفـات
قليل العرف والحيوان طبـق الأصـل تتشابـه

وتحييا يا ملكنا للوطـن والشعـب و القـوات
امانك بعد امان الله يعيـش بنـا وعشنـا بـه

وعلى ولـي عهـدك جيـت بتحيـات مثنيـات
عدد محرم من المحـرم هـو كبربـه ولبابـه

على عبدالله اللي هامته خـرت لـه الهامـات
وكم عاقل وكم جاهـل بعـد يخشـاه ويهابـه

يعلم ما يعلم رجل سلم وحـرب وخـذ وهـات
طوى المصحف على صدره وشد السيف بنصابه

يمينه للوطن ساحة عطا جزله واب الجـزلات
يدين المفلس البائس تعلـق بـه وتنجـى بـه

كساه من التواضع ما يسر الصـدر والنظـرات
لبس للناس تـاج الحلـم والعـدل تعصـا بـه

ولك كف باصابعها تديـر الوجـه بالصفقـات
قرانيس الحرار تطيـح مـن كفـه ومخلابـه

فسر عن ساعده للمعتديـن يسـدد الضربـات
على الاصحاب والاجنـاب يعدابـه ويبـدا بـه

شجاع بلقـى يـوم الجبـان يبـان بالاقـوات
ولو خاض البحر خضناه بالرجل وعبرنـا بـه

أبو متعب الليا حمي الوطيس ودارت الجـولات
كسبهـا وان بلاوهبهـا ردي الحـظ يبـلابـه

نوادر مهجتي في سيدي دايـم تجـي عذبـات
شعور صادقـه ثـم صادقـه ماهيـب كذابـه

وعود المدح حماي الحدود موجهـه الغـارات
تذود عن الحمـى وتصـف طمـاع تهقوابـه

توجه من قواعد فهد بالخطه علـى الشاشـات
حفظك الله وزيـن فعلـك الفـذ افتخرنـا بـه

عليك البيض فوق البيض يا سلطان منشـورات
على الأشهاد ينظرها العقـاب بـراس مرقابـه

كريم النفس مشهود الكرامـه طيـب المـدات
تغيب المرجله وان حضرت عنده هي أولا بـه

حشا ما غيركم يا أهل الوطن لاهل الوطن قادات
ولا قد قادنـا الا قايـد عادل ونرضى بة شعر: خلف بن هذال العتيبي