نعم أفكار خاطئه نقلت والى الان هي باقيهـ وراسخهـ
في عقول الاجداد ...
عزيزتي سكون الليل
أذكر أنه قبل فترة تحدثت بهذا الموضوع مع جدتي الحبيبه حفظها الله واشتد النقاش بيني وبينها ....
يابنتي الرجال يشيل عيبه ويروح مع الناس
والحرمه ماتشيل عيبها ......... كانت هكذا عبارتها
قلت ياجدتي الفكرة هذي خطاء مو صح
ياجدتي حطي افكاركم والعادات والتقاليد على جنب
وخليني نتكلم انا وانتي من ناحية الدين وبس ...
الانسان ياجده مو معصوم من الخطاء صح
قالت ايه
قلت الحرام مو على الرجال والحرمه .. ؟؟
يعني اذا الرجال زنى والحرمه زنة الله يكفينا ويستر علينا
موحرام عليهم كلهم ؟؟؟؟
قالت الا حرام عليهم كلهم الله لايبلانا ويسترنا بسترهـ ...
قلت طيب لو الرجال الزاني أو الحرمه الزانية
الله فتح على قلوبهم بالهدايه بعد الظلال
واعلنوا التوبه الصادقه لله سبحانه وتعالى
الله بيقبل توبة الرجال وتوبة الحرمه لا ؟؟
يعني بيقبل توبة الرجال لانه يشيل عيبه
والحرمه لا ماتشيل عيبها ؟؟
اجل ياجدتي لو كانت افكاركم صح
اجل النار للحريم والجنه للرجال صح
قالت اعوذ بالله منك وش تقولين انتي موب صاحيهـ اليوم
الجنه والنار لهم كلهم والرجال يابنتي يشيل عيبه
والحرمه لا سمعتي ......
المهم انه جدتي عصبت بالنهايه وشوي وتطقني
وهي مازلت مصرهـ على افكارها
ولكن انا متأكدها ان يومها جدتي مقتنعه بكلامي لكن تتظاهر قدامي لانها صارت ساكته طول الجلسه ذاك اليوم بعد الكلام
اللي صار بيني وبينها والحبيبه جدتي مو بالعاده تسكت الا طول الجلسه تسولف وتقص علينا القصص اذا كانت ساكته يعتبر
انها تفكر وتقلب الموضوع براسها ....
آحبائي اعذروني لأسلوبي بالكلام العامي ولكن تحدثت
بواقع الحوار الذي حدث بيني وبين جدتي الحبيبهـ ....
:؛: القديرهـ \\\ سكون :؛:
أشكركِ على مداخلتك الجميله وقلمك المتألق
ودي وتقديري
أختك ـــــــــــــ الشامخهـ
| 
|
11-30-2006, 07:10 AM
المواضيع المتشابهه
العرض الشجري