الله من قلب المعنّى ليا دقّ!!!

[معطاب العتيبي]

[align=center]السلام عليكم ومساكم الله بالخير
هيضتني قصيدة ابن روق والقلب خضر واهدي لكم مشاركتي الثانيه[/align]
[align=center] قلب العنى [/align]
[poem=font="Simplified Arabic,6,black,bold,normal" bkcolor="transparent" bkimage="../backgrounds/10.gif" border="none,4,gray" type=0 line=0 align=center use=ex num="0,black"]
الله من قلب المعنى ليا دقّ=يرجف بصدر صويحبه كنه الزير
كنه ورى القضبان والباب مغلقً=محكوم ظلم ولاله الا التعابير
واللي حكم به قاضي فيه ماأشفقً=اصدر عليه الحكم من دون تبرير
وله ثلاث سنين بالنار يحرقً= من دون ذنب ٍوالحكم حكم تعزير
وأنا اعرف ان القضاء يعطي الحقَ=الاقضاء الخفرات بيض الغنادير
ياويل من هو في شبكهن تعلقَ=ولو الحمامه راح في دربه الطير
وامسى طليقٍ وسط جوه محلقً=ماله ومال مطوقات الحناجير
وياللي حكمت القلب بالهون وارفقَ=ارفق على قلب وقع بايدك أسير
واصدق معه مثل ماهوب معك يصدقَ=وبدل جفاه بوصل واقصر له السير
يابو عيونٍ حلوةٍ يوم ترمقَ=أقف لها ثابت معزه وتقدير
كني خفير بالقياده مطبقً= يرجي متى يعودون الخوافير
والوجه مثل الشمس يوم ان تشرقَ=سبحان رب زينه بالتصاوير
اللي جعل بينه وبين الملا فرق=واخذ على بني جيله شهاده بتقدير
ابو ثمانٍ يوم يضحك كما البرق =برق السحاب اللي نصوبه مزابير
والعنق عنق اللي رعت بأيمن الشقَ=تقودجول الصيد وتجفل من الذير
وشعرٍعلى المتنين يوم يتفرقً=سبيب صفرا عند راع المغاتير
بنت الحصان اللي على الخيل يسبقَ=مسلسلة من رووس خيل المشاهير
لاعنَها الخيال وأشرف ووايقَ=تبري كبود اللي عليها مناعير
اللي لهم في صفحة المجد بيرقَ=ربعي عتيبه قايدين الطوابير
اللي على القبَ الأصايل تصافقَ=مثل الحرار اللي بعالي المواكير
وجسم معزَل تو طلعه تفتقَ= ريان عوده ماالحقنه معاسير
ماأخف من نفسه على القلب وأرقَ= مثل النسيم المرسله تدفع الخير
هذي حلايا صويحبي طيب الخلق=لو لا التغلي فيه طبع وهو صغير
ليته يصافيني وعلى الروح يشفقَ=روحٍ تحبه صدق ماهو بتزوير
وأثر الغلا لوه على الحول يلحقَ=يلحق على قلب المعنى بتأثير
تأثير مثل السحر وأشَد وأعمقَ=ويصبح كما التايه عليه المداوير
ومن غاص غبات الهوى لزم يغرقَ=لو أمهلن به مشرَعات البوابير
وعزَ الله ان قلبي بجوفي مصندقَ=لين اعترضلي منور الخد تنوير
وأقفى يغرب به واحيان يشرقَ=وهو مطيع له كنه على ضير[/poem]