حنا ترانا ياهل العرف عتبان

[معطاب العتيبي]

[align=center]السلام عليكم ورحمة الله وبركاته ومساؤكم عسل ان شاء الله كم سعدت وابتهج خاطري بالانضمام لهذا الصرح الرائع والشامخ لعزوتي عتيبه الهيلا وعسى على القوه ويسعدني ويشرفني ان تكون اول مشاركه لي عباره عن هديه اهديها لكل عتيبي أبيّ واتمنى ان تحوز على رضاكم واستحسانكم واستحسان شعراء هذا الصرح الرائع خصوصا انه يهمني رايهم في قصيدتي كشاعر مبتدئ والعذر مقدم لمن لم يتم ذكرهم من مشايخ وفرسان عتيبه الهيلا اللذين لايعدون ولايحصون ولكني ملزوم بقافيه ووزن وهذا ماجادت به قريحتي لربعي ولا يلام المرء بعد اجتهاده وان شاء الله ماتكون اخر مشاركه باذن الله واخيرا تحياتي لكل عتيبي واليكم القصيده [/align]
[poem=font="Simplified Arabic,6,black,bold,normal" bkcolor="transparent" bkimage="../backgrounds/23.gif" border="outset,4,firebrick" type=0 line=0 align=center use=ex num="0,black"]

حنا ترانا ياهل العرف عتبان =عتبان وإلنا الصعب غصبٍ يلينا
اللي لنا في هامة المجد نيشان =نيشان منقوشٍ بأنامل يدينا
مجدٍمؤرخ من قديمات الازمان =ازمان عدة في السما معتلينا
مجدٍبنوه أجدادنا فوق عمدان =عمدان مع طول الدهر شامخينا
وهم من هوازن اصل ثابت وميزان=ميزان حقٍ لايسار ويمينا
مجودين الساس وحنا له أركان= اركان ثبّت رغم عصف السنينا
اول مزاياهم ذرفين الايمان=أيمان عدت طايلين اليمينا
وثاني مزاياهم شجاعه وفرسان=فرسان في وقت اللقى ساطيينا
اهل الوغى وان ثار عجٍ ودخان =دخان تفاقٍ يشيب الجنينا
وان ثارت الهيلا كما ثور بركان=بركان في وجه العدا الطامعينا
دايم هل الطالات من دون نقصان =نقصان ماياتي علينا وإلينا
ويشرون حلو الموت وبغالي الاثمان=اثمان كاشٍ لاتدان وتدينا
وميزانهم دايم على القوم رجحان=رجحان رغم اللي يحاول يهينا
وإلنا على ماقلت شهودٍوبرهان=برهان مثل الشمس واضح مبينا
وعزوتهم الهيلا للامجاد عنوان =عنوان عزتهم حزامٍ متينا
برقا وروق إلها فروعٍ وجنحان =جنحان للهيلا وحصنٍ حصينا
لطامة العايل هل الخيل وعنان =عنان الاصايل في يديهم رهينا
وذباحة الحايل وللضيف هتان =هتان ممطر بالسمن والسمينا
وايدينهم للجار تندى بالاحسان =احسان ويّا نخوةٍ ماتهينا
وصولاتهم وان جات تهز الأذهان =أذهان منهو والشجاعة حتينا
ويطيرون الراس من فوق الامتان=امتان منهم جوه وإلهم رطينا
وشيوخهم كالنجم تبدي للأعيان =أعيان في وسط السما باديينا
أولهم ابن احميد حماي الاضعان =أضعان ربعه لابةٍ وافيينا
وانا اشهد انه من سلايل كحيلان =كحيلان وسط الخيل حصانٍ ثمينا
كم قادهم والراس اصوك وطربان =طربان للهيلا يقود السفينا
وابن فهيد اللي له الطول والشان=شانٍ عظيم وعز من له عوينا
ثم المحايا مروضة كل صنيان =صنيان تايه مير عوّد حزينا
ويمشي على خطاهم سلاليل ربيعان =ربيعان سعد اللي لهم محتمينا
وشليويح وقت الكون بيّن بليهان =بليهان هادر فوق منهو غوينا
والضيط منهم ذكره اليوم قد بان=بان وتعّلى وعزوةٍ طيبينا
وابا العلا مشهور هذاك سلطان = سلطان قومٍ يحتمون الضعينا
وزريب زيزوم الاواليد وحصان=حصان جامح نزّح اللي حدينا
والعذر لباقي المشايخ ولا هان =لاهان منهو ماذكرت و نسينا
والنعم في باقي القبايل وتعبان=تعبان منهو يبهت المسلمينا
لكن طرالي قاف والبال نشطان =نشطان ولمدحة هل الطاله شجينا
معطاب صاغ القاف من قلب ولسان=لسان منهو يحكم القول فينا
وغنت له الورقى على روس الأغصان =أغصان شعري لااجل ربعي تزينا
ثم صدحت بصافي الشعر الحان =الحان تطرب من غلامٍ رزينا [/poem]

[align=center]وسلامتكم جميعا[/align]