قصيدة في الإبل

[بدر الروقي]

= بسم الله الرحمن الرحيم
هذه القصيده قيلت في مزاين المرازيق من قبيلة البقوم اتمني ان تستحسن رضاكم0000





[poem=font="Simplified Arabic,5,black,bold,normal" bkcolor="transparent" bkimage="" border="double,5,black" type=1 line=0 align=center use=ex num="0,black"]
مني تغشي البيض روس المرازيـق=
الـي تعـدا فعلهـم حـد الابـداع
أولاد مـرزوق الوجيـه المطاليـق=
اللي خبرهم داخـل المملكـه شـاع
الطيب وهبـه والمراجـل توافيـق=
والجود نبعه من هل الجـود نبـاع
في حلتـن فيهـا جميـل التعاليـق=
وترحيبتن احلي من لبن كل مرضاع
ودلال رسـلان جـدادن مساويـق=
يجيلهـا بيـن النشامـا تـهـزاع
والعود الازرق من جديد الصناديـق=
تحت اللحا من فوق الارقاب ينثـاع
وقعدانهم وصط الصوانـي مدانيـق=
غاديلها وصـط الصوانـي تربـاع
حطـو مزاينهـم بلـيـا تبـاريـق=
فيه الاباعر من حسينـات الابـداع
ذيدانهم عفـرن سـواة الغرانيـق=
وسودن مجاهيمن بدينـات وشبـاع
وحمرن طويلاتن خفيفـة معانيـق=
تمشي كما بنتـن تمريـع تمريـاع
مقياضهم في مخضـرات الزماليـق=
وضلع البقوم اللي تعرفون مربـاع
حامينهـا يـوم الطمـع والتفافيـق=
كم شيخ قومن دونها عض الاصباع
بمسلبـاتـن للنشـامـا معـاويـق=
تودع صعبها لاشهب الملح مطـواع
واصبح كما حرن يتـل المسابيـق=
جرحه صطي في خافقه بين الاضلاع
نسل الحرار اللي ربت بالشواهيـق=
سمو البقوم مطوعـة كـل طمـاع
تاريخهم مشهـور بيـن المخاليـق=
يشهد لهم بالطيب عتبـان وسبـاع
لاثار عج الخيـل جتهـم لواحيـق=
قبن مشاهيـرن خفيفـات وسـراع
قبن مشاهيرن اصيلـه وسوابيـق=
خيالهـا دايـم لــلارواح بـيـاع
يعنهـا سمـو العيـال العمالـيـق=
عدوهم بفعولهـم غصـب ينصـاع
لا جا نهار الكون مع نشفة الريـق=
وضرب السيوف اللي بها الدم ينداع
للحرب خطلان الايـادي عشاشيـق=
يردون حوض الموت لاهب ذعـذاع
اطعونهم بيـن النحـر والمعاليـق=
اطعونهـم دايـم قويـات ووسـاع
اسيوفهـم بالـدم حمـرن مغاريـق=
الها علـي راس المعاديـن ميقـاع
هـذي فعولـن وثقتهـا المواثيـق=
تاريخ والتاريخ يشهـد بالاوضـاع
غني بها قبلـي كثيـر الطواريـق=
مثل العطاوي وابن مهرس وجـزاع
وختامها عـد الغصـون المواريـق=
صلاة ربـي عـد ماهـب ذعـذاع
علـي نبـي وثـق الحـق توثيـق=
اللي له المسلم علـي الحـق تبـاع [/poem]


م
ن
ق
و
ل