**** صدام (( وقرار اللجنه )) ****

[نمر الذيابي]

[align=center]بسم الله الرحمن الرحيم
قصيده
متواضعه وأقبلوها

أراسل الناس في بغداد والكوفه
وأنامواطن مقيمً ف السعوديه

السالفه بين كل الناس معروفه
والعلم واضح وضوح الشمس والفيه

أسرار تخفا علينا اليوم مكشوفه
عبر الجزيره وصلنا اليوم برقيه

أشوف بوش أحتمى ويحدد سيوفه
ويبحلق العين ناويله على نيه

يالوف صدام ذخر حسين يالوفه
دارة عليه الدواير وأكتوى كيه

وزادة عليه الحمول ومالة كتوفه
ولافيه شيً يخفف حمله شويه

لاوالله ألا أشتقى ثم شانة ضروفه
ياشيب عيني من أحوال الشقاويه

من أول الحاكم اللي خلفه صفوفه
هجة صفوفه بلارجعه ولاجيه

واليوم طقو براسه صبة الطوفه
من عقب مصدر قرار اللجنه الحيه

وأن كان بوش أبتسم ثم صفق كفوفه
بكره كفوفه تلطم خده العيه

والموت يالحاكم السابق تبى تشوفه
ماهو مثل لدغة العقرب ولا الحيه

مير أحتزم وألتزم والناس ملهوفه
لوفيه ديه دفعنا مبلغ الديه

مير القدر جاك ثم دنياك ملقوفه
ماتترك العبد في حاله شقاويه [/align]