قصيدة لمرير الحبيل

[العبيريد]

[ALIGN=CENTER]الأخوة العتبان



السلام عليكم ورحمة الله وبركاتة



تحية طيبة


وبعد




هذه قصيدة للشاعر



مرير الحبيل الروقي العتيبي



والتي تصف البل المغاتير



وهي بارعة الجمال


وفريدة النظم



وتعد من عيون الشعر



اترككم معها



ودمتم بخير






[poet font="Simplified Arabic,4,purple,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يـقـول العتيـبـي يــوم سـيــر عـلــى عـتـبـان=بـيــوتٍ تخـيـرهـا عـلــى الـكـيــف نـاقـيـهـا
دعـاء وادعـاء دعـوة نصيـحٍ فصيـح اللـسـان=وعـسـاهــا دعــــاتٍ مـسـتـجـابـه لـداعـيـهــا
عسـى المـزن مـن قبلـه يخيـل علـى جـمـران=يـخـيــم ثــــلاث ايـامــهــا مـــــع لـيـالـيـهـا
يـهـل المـطـر حـتـى تـهــادر بـــه الـوديــان=ليـاجـهـت الغـشـنـه نـشــت مـــن منـاشـيـهـا
يكـض الفيـاض اللـي تطـارخ بـهـا الـغـدران=وتــاخــذ لــهــا عــــامٍ تـنـاســف خـبـاريـهـا
يطـيـح الربـيـع الـلـي تبـاشـر بــه الـبــدوان=يقـولـون جــاء فــي نـجـد عـشــبٍ مغطـيـهـا
ليـاجـيـت لـــك فـيـضـه لياكـنـهـا الـبـسـتـان=وكـــن الــزلــول مـبـسـطـه فــــي مثـانـيـهـا
ونـبـات الشـقـارى لــه نـواويــر والـحــوذان=تــلاويــن نــــوارٍ عــلــى الارض كـاسـيـهـا
يـجـي للخـزامـا والنـفـل والـزهـور الـلــوان=عـلـيـهــا وداديـــــن الـمـخـايــل تـسـاقـيـهــا
تجـيـك الحتيـفـه والـوطــى كـنــا الـريـضـان=وتلـبـس لـهـا ثــوب مــن الـعـشـب زاهـيـهـا
تـزيــن الـمـراعـي للـبـداويـن والـحـضــران=ويـعــم الـحـيـاء كـــل المـنـاطـق ويحـيـيـهـا
عـلـى شــان خلـفـاتٍ تعـاطـف علىالحـيـران=ومــن بـاعـهـا فـالـسـوق يـرجــع ويشـريـهـا
تنـومـس ليـاطـروا ربـيــعٍ عـلــى الـصـمـان=لـيـاقـالــو الـجــيــان زانــــــت مـراعـيــهــا
ليـاحـطـوا الـمـوعـد ورى حـومــة الـنـقـيـان=ولــزت مــع الـلـي مامـشـت مـــع مماشـيـهـا
يـنـومـسـك مـمـشـاهـا لـيـاطــول الـمــيــدان=ليـاصـفـت اربـعـهـا خـــذت قـلــب راعـيـهـا
تحالـي لـسـربٍ شــن غــاره عـلـى الـعـدوان=يـشــيــل الـقـنـابــل لـضـريـبــه ويـرمـيـهــا
وتـحـالـي لـجــول ذيـــره حـافــظ الـنـيـشـان=مــقــاف الـقـطــا كــنــه يـحـالــي مقـافـيـهـا
ويـبـرى لـهـا سـقـس تخـاشـر بــه الـجـيـران=لـيــاوردت الـهـامـل مـــن الـحــوظ يسقـيـهـا
واباصف على عرفي وانا اسف على النقصان=لـيـاجـيــت احـلـيـهــا لـيــاويــش احـلـيــهــا
كـلـيـفٍ عـلـيـه وصـفـهـا خـلـقـت الـرحـمــن=تـواصـيـفــهــا ســبــحـــان ربٍ مـســويــهــا
اباصـف وصـوف اللـي لهـا فالوصايـف شـان=وصـــوفٍ هـــل الـــذود المغـاتـيـر تغـلـيـهـا
طـوال الخشـوم اللـي تعـزوى بهـا الشجـعـان=سـمــاح الـوجـيـه الـلــي طـــوال لـواحـيـهـا
طـوال الرقـاب مـن اللحـم عضمـهـا عـريـان=عـــراض الـخــدود الـلــي تـفـاهـق فذانـيـهـا
تـطـاول غواربـهـا تـجـازل بـهــا الـذرعــان=جــلال الـعـضـود الـلــي صـغــارٍ مواطـيـهـا
سـنــاد وسـنــامٍ منـفـهـق والـجـنـوب مــتــان=تـحــارش وبـرهــا الـلــي يـضـلـل ويدفـيـهـا
قـصــار الـفـقـار افـخـوذهـا كـنـهـا البـيـبـان=عسـى نظـرتٍ مــن راعــي العـيـن iiتخطيـهـا
مـوالـيــف لـلـقـانــي مـوالــيــف لـرعــيــان=تـرايـع مــن المـفـلا عـلـى صــوت راعـيـهـا
ليـاشـفـتـهـا مـاكـنـهــا الا الــولـــع لابـــــان=تـشـبــه مــــزونٍ لانــشــت بــمــر والـيـهــا
تــم الـكــلام الـلــي وزنـتــه عـلــى مـيــزان=وابــا الـعـذر مــن قــاري بيـوتـي وموحيـهـا
[/poet]






الشاعر/ مرير الحبيل الروقي العتيبي















اخوكم العبيريد [/ALIGN]