غريبين الأطوااااااااار

[ناصر بن سعدي]

السلام عليكم


إليكم من الإرشيف هذه المتواضعه لعلها تحوز على أقل درجات الرضاء...



[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
خلي نسيني واشعل بقلبي النار=واقفى لعله مايعيش بسعاده
باع الغرام وصار ماضي وتذكار=باع الغلا والحب كسر شداده
داس الوفا تحت القدم صار غدار=وأسقاني الويلات والمر ساده
أخذت انا وياه سجه ومشوار=وأصبح وليف الروح قلبي بلاده
ثم أختفى فجأه وغاب عن الأنظار=وأجرم بحقي دون لطف وهواده
سوى جريمه لو بثتها الأقمار=هزت جميع الكون وابكت جماده
خطط لها من قلب مع سبق الإصرار=فيها تساهل بالمشاعر زياده
عرض حياتي للمصايب والأخطار=وادخلني لدنيا العناء والنكاده
كاد النفس يوقف والأعصاب تنهار=لكن خالقنا لطيف بعباده
صحيح قفى واظلمت عقبه الدار=والهم شن احروب فتك وإباده
لكن مايستاهل ابكيه واحتار=أنساه ياجعل الوباء دوم زاده
قصة غرام وشتت كل الأفكار=يوم إن غيري قد تحقق مراده
غيري تهنا من عناء وقته امجار=سالي ويمنى نور عينه وساده
وأنا يكفيني من الوقت ماصار=يكفي شقا وقتي وقسوة عناده
مدري تجيني من غريبين الاطوار=ولا تعاسة حظ مدري قراده[/poem]