صتم الشوازن

[ضاوي العصيمي]

اخواني الكرام

عضاء وزوار هذا الصرح الجميل بكم
كل عام وانتم بخير
ويسعدني ان اشارك معكم بهذه المتواضعه


[poem=font="Simplified Arabic,6,black,normal,normal" bkcolor="transparent" bkimage="" border="ridge,8,darkred" type=2 line=0 align=center use=ex num="0,black"]
لو كل ماخيّلت لي برق اعسه=يمديه ضاعت صيدتي في عجاجي
مغير اشد خطام شفي وامسه=واكبح جماح النفس وانهض حجاجي
واحوز عن شعب الوخامه ورسه=لو مت ضامي ماوردت الهماجي
وان شفت بالاسواق طلعه وهسه=اكف يمنايه وادّور خراجي
ماكل مايعرض على العين اجسه=انقا وعقلي فى الغداري سراجي
اخاف من شيءٍ ضميري يحسه=وانا غني عن مايعكر مزاجي
والهم عن نقالة الحكي ادسه=زينت له بين المحاني ملاجي
وان زاد بالسجات اغيب مرسه=تفرج الكربه وساع الفجاجي
واليا طرا اللي ينعش الروح حسه=اللي غرامه بين الاضلاع لاجي
سريت مع ليلٍ نسيمه ينسه=اصيح له باسمه لحالي واناجي
كن الحشا صتم( الشوازن) يبسه=والكبد لاغفها شضية زجاجي
اهرف هريف الذيب بارضٍ مرسه=واهيف مثل اللي طناها الخلاجي
وقلبٍ مراسيل المحبه ترسه=والله ليبطي مالقاله علاجي

وسلامتكم [/poem]