قصة (وفاة وفـــــــــاء)

[غصون]

[poem=font="Arabic Transparent,6,black,bold,normal" bkcolor="transparent" bkimage="../backgrounds/27.gif" border="ridge,3,orange" type=2 line=0 align=center use=ex num="0,black"]

الآ يالعبره اللي نوخت في داخلي رجــــــال =يصارع عزةٍ تضحك ولو عينه بكت فرقا

نعم نبكي وكم شيخٍ شكا من دمعةٍ تخـــتــال =تفاخر ودها تظهر ولا تــنزل ولا ترقــا

تلفت للجروح اللي لها في داخله مدهـــــال =وبلش في عبرةٍ دور لها وسط العرى متــقا


نظر حاله ولا دمعه يسابق رشفة الفنــــجال =وصوت يا السحاب اللي تشــتت بالسما الزرقا

تلفت كل من حوله وقالو شيخنا وش قال =تذكر لمة المجلس وفز بدمعـــــــةٍ غرقا

وتمتم شي من صدره تنهد في صدى زلزال =هنيك ياسوي الناس لا تُعرف ولا تشقا


هنيك مالك جروحٍ لها في داخلك منزال =ونا مدري جروحي يوم تلفيني وش ابتــــلقا


الآ جتني لقت فيني معالم من بقايا حال =وصورة بنت راسمها تسمى بالهوى طرقا


بعدها ضاقت الدنيا ودريت ان لليال طوال =توفت ورحلت عنا عسى قبرٍ لها يسقا

اجي للقبر والعزه تقول ان الرجال جباااال =واقول الحين وش ذنبي تموت وترتحل واشقا

رحلتي يالعذوب اللي حفظتي ذمة الرحال =وطويتي صفحةٍ بيظا اعز من الذهب وانقا

صعدتي للسحاب اللي ينوخ همة الخيّـــــــــال =وهذي سنة الدنيا أحد يرحل وأحد يبقا

يعزي عبرتي حلمٍ يجي من يمكم مرسال =بداية مولده لقيا وأفز اصحى على فـــــــــرقا

[/poem]




.