ماكـل رجـل يسترنـه ثيابـه&&&لو يلبس الغتره ويرهي الثيابـي

[برقاوي هواوي]

[poem=font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يقول ابويوسـف قـاف بدابـه=قبل المشيب وعقب سن الشبابـي
بديت قافـي والمعانـي تشابـه=الله يقدينـي لـدرب الصوابـي
ماكـل رجـل يسترنـه ثيابـه=لو يلبس الغتره ويرهي الثيابـي
ولا كل بـراق يسيـل سحابـه=لو يشتعل برقه بعـز السحابـي
ولا كل مرضان يفيد الدواء بـه=ولاكل من يشفي على الدوم طابي
ولا كل فارس ينتصر في الحرابه=ولا ينجي الخواف كثر الرعابـي
ولاكل ذيب يدمي الحلـق نابـه=ليا صار مايسطي يذل ويهابـي
ولاكل من سافر وطـول غيابـه=يلحق هوى نفسه بطول الغيابـي
ولاكل من سعى ورى المال جابه=ولاكل رمـاي يحقـق صوابـي
ولايسقي الضميان لمعه سرابـه=مسكين ياطارد ضحاح السرابـي
ومن لايحوزالمجد في اول شبابه=مايدركه من عقب شيخ وشابـي
هذى خلص وابدي بقاف عقابـه=موضوع اخر نبتـدي بالادابـي
شفت الزمان اللي بصفوه صفابه=فيه الثعل والبـوم غنـا وطابـي
امن وطمـان ولاتكـدر شرابـه=ترعابه الدرعى وترقى الروابـي
في ظل حكام الرخى والصلابـه=استورثوه بظرب جرد الرقابـي
الله يعز الحكـم واللـي سعابـه=خلى الغنم ترعى بصف الذيابـي
ذيب الغنم جوف الغنـم متهابـه=واطيه حكم مطوعين الصعابـي
والحر هـاد ولاتعلـى هضابـه=والحمرى ترقى بروس الهضابي
ولاينعرف طيرالرخم من غرابه=طير الرخم غنى وغنا الغرابـي
يصلخ ويطبخ مادرى عن عيابـه=ويزعم بنفسه مـادرى للعيابـي
لا ياحقيـر الكبريـاء وشتبابـه=وانته عليك العيب من كل بابـي
ماتدري ان الوقت تمشي ركابـه=تمشيبه الايـام مشـي الركابـي
وفي كل يوم يمر ينقص حسابـه=ينقص من اجله لين يدنى الحسابي
ويحط في قبـره ويدفـن ترابـه=ويمضي لربه في ذهاب وايابـي
من يعمل الحسنه يلاقـي ثوابـه=ومن يعمل السيئه ينـال العذابـي
وخلاف ذا ياللي تجيـد الكتابـه=اخذ القلم والبوك واكتـب كتابـي
اكتب ورتب جابه عقـب جابـه=لعـل قيفانـي تنـال العجابـي
ذاقول من صاغ المثل واعتنابـه=في قدر معرفته ينص الخطابـي
وصلوعلى المختارسيدالصحابـه=ختـام ماقلتـه وتـم الجـوابـي [/poem]





[frame="7 80"]شعر سلمان السليس[/frame]