... الهجـــران ...

[عيضه العيسي]

[poem=font="Simplified Arabic,6,black,normal,normal" bkcolor="transparent" bkimage="http://www.grsites.com/****ures/brick/brick054.jpg" border="groove,2,black" type=2 line=0 align=center use=ex num="0,black"]
يالله وانت اللذي تنهى وتامرني=يالي تزيل الظلام ونورك ابديته

اطلبك يالله على الاقدارصبرني=ياواحد ِ من لجابك ماتناسيته

ياعالي الشان سيرني وخيرني=رجيت وجهك وغيرك ماترجيته

من فكري الي مع الادنين حيرني=لين اغبرالوقت خاواني وخاويته

وسطابي الهم لين الواقع انكرني=وش ذنبك الي يابن مستورسويته

اداري الصبر واعظم هم ينهرني=سوات من يطردالضيفان من بيته

وحلفت انا ماعذره لوكان يعذرني=وان شب ناره جحيمي فيه صاليته

لاهوتغيرولايقدريغيرني=ومن فعل الايام رباني وربيته

سايرت وقتي ويرفض لايسايرني=اضحك واكابروطول الصبر مليته

يوم اقرب الناس بالهجران قاهرني=كم راح من عيدلاجاني ولاجيته

لحمي ودمي على ماكان يخبرني=والعرق دساس ماعمري تجافيته

يوم الجفا طال والاشواق تسهرني=حتى الجفامنه وللعني وحبيته

يادمع عيني عن الاحباب خبرني=لعل تسمع ندايه يوم ناديته

وان خاب ضني في الي ماتذكرني=لمست راسي عن اقرب ناس واخطيته

عيضه العيسي[/poem]