[frame="7 80"]اقول للي قال حب يا فلان
واقطف ثمار الورد لا صار مايل
احب اطيع الرب في كل الاحيان
واحب عادات العرب والقبايل
واختار لي من صحبة الخير رفقان
ينفع بهم فعل الكرم والجمايل
وافرح اليا شفت الخوي دوم فرحان
واضيق لا ضاقت علي الوسايل
واسج في جو من الناس قفران
ماحطو البدوان فيه النزايل
يا زين في الطلح في وسط بران
يروق فيه الجو باحلى المقايل
والحزم جوفه بالمطر صار رويان
من غب لا غبه على غب سايل
كنك بوسط الروض في وسط بستان
تجري بوديانه كبار المسايل
والا دفا نار توقد بحطبان
لا هب نسناس الهوى من شمايل
في ربعة مارادها كل خوان
ولا طبها الكذاب راعي النقايل
يرتاح بالي فيه لاصرت زعلان
وانسى همومي كلهاا والنكايل
واحب نظم الشعر موزون باوزان
والقاف ابدع فيه زين المثايل
والبيض ماني في هواهن هيمان
يسدني منهن غرام الحلايل
لو صادفن بالعين في شكل فتان
في حبهن ماني بصايل وجايل
واشيل هم اللحد مع هم الاكفان
واشيل هم الحشر يوم الهوايل
وان طعتني يا هوه فكر بحسبان
ترى الهوى والغي يجرف مهايل
وصلاة ربي عد ما هل ودان
واعداد حبات الرمل والنثايل
على النبي المصطفى نسل عدنان
الصادق المصدوق راعي الفضايل
للشاعر/ عبدالله مرزوق المرشدي[/frame]
| 
|
10-11-2006, 06:34 AM
المواضيع المتشابهه
العرض الشجري