تلعب على الحبلين

[العريدي]

** تلعب على الحبلين **
[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]

علـمٍ لفانـي دون غايـه ومقصـود =اشغل فكـر راسـي وعكـر مزاجـه

اشوف في عرض السماء برق ورعود = وانا على انظـري سـوات العجاجـه

واقوم واجلس وامشي شوي واعـود = واسوق رجلي سوق مسرع الحاجـه

واحس في صدري جمر نـار ووقـود = واحس كن الكـون ضـاع ابتهاجـه

من سبت اللي بينـي وبينـه عهـود = يـوم المحبـه والغـلا والمـواجـه

حب الشـرف مافيـه نقـص ولا زود = نعـوم فـي بحـر الهـوى بندماجـه

اسهـر انـا ويـاه والعالـم رقــود = ليـن الفجـر يقبـل علـي انبلاجـه

واليـوم لاوالله تـرى العلـم موكـود = كـلٍ عقـب هاليـوم يلقـا خراجـه

لأن قلبـك مابـه انسـان مـحـدود = كـلٍ تبـي تهـواه وترغـب زواجـه

تلعب على الحبليـن والحبـل معقـود = والماء الحلو ماتعرفه مـن هماجـه

قطعـت حبـلٍ بيننـا كـان ممـدود= نسيـت كـل اللـي بنينـا سيـاجـه

أيام راحـت كلهـا سهـود ومهـود = واليوم عنـدي مثـل تمـرٍ خماجـه

دنيـا تقلـب مالقينـا بـهـا فــود = مـرٍ تزيـن ومـر فيهـا انعواجـه

تبدلـت أيامـك البـيـض بالـسـود = رح ياعسى دربـك يزيـن انفراجـه

من يطـرد المقفيـن عيـبٍ ومنقـود = حتى لو ان الجـرح صعـبٍ علاجـه

لاتحسبنـك داخـل القلـب مـوجـود = خلاص حبك مـات واظلـم سراجـه

عـدك قـراح وكـم تمنـاه مـارود = وانـت الـذي تبغـاه يازيـن ناجـه

بس انتبه لايصبـح الحبـل مشـدود = شخـصٍ تحبـه لاتسبـب ازعاجـه

عليك باللـي يفعـل الطيـب والجـود = لاجوه ربعـه قـام يضحـك حجاجـه

والا الردي بيـن الرياجيـل مجحـود = لـو زان هرجـه خابرينـه دجاجـه

اللاش ولد اللاش لـو شـال بـارود = لاجاء اللقـاء قـام يتزايـد خجاجـه

وان جيت بيته دايـم البـاب مـردود = يعنـي حياتـه كلبـوهـا سمـاجـه

هـذا كـلامٍ يمـت النـون مقصـود = وكـلٍ علـى ماقيـل يتبـع مزاجـه

وســلامــتــكــم [/poem]