( برقنا في عيون اللي يعادي ونروق ونحضن قلوب القرابة )

[حلا عتيبة]

[align=center]
حبيت أحيي ربوعي بهالقصيدة أعجبتني كثير للشاعرة العتيبية قهر يزيد[/align]

[poem=font="Simplified Arabic,5,black,bold,normal" bkcolor="transparent" bkimage="backgrounds/23.gif" border="none,4,gray" type=2 line=0 align=center use=ex num="0,black"]
على تاريخهـا تصحـي العظايـم=عظيمـة أرخـت فـن الكتـابـة

قبيلة من شعر واللـي يتسـاءل=يلاقـي فـي دفاترهـا الإجابـة

رحيمة و كفلـت يتـم القوافـي=دفن فيها الشعر جـرح اغترابـه

و تزبنهـا و تنخاهـا المعـانـي=عتابـة وا عتابـة وا عتـابـة

ألا لـب النـدا واللـي نصـانـا=نجاوب لهفتـه نرسـل سحابـة

ولو كانـت مفـازات وصحـارى=فرشناهـا زهــور ٍ ماتشـابـه

سقى الله من وقف دون البـلاد ِ=واعلن لاجل نصرتهـا الحرابـه

على من شق طوعـه والمبـادي=خرج عـن دينـه وبـدّل ثيابـه

لابـو هـذال عذبـات التحـايـا=عسى الكوثر مـوارده وشرابـه

طويل العمـر شهّـاد المواقـف=نهلنا الفخر مع حضـرة جنابـه

حريقة رمـدت صـدر المعـادي=يصالـي نارهـا يشكـي عذابـه

الـى وقّـف تحييـه الكـواكـب=تقبـل كتفـه وتعمـل حسـابـه

تحرى طلعته شمـس الهقـاوي=تدفّـى مـن حضـوره والتهابـه

( برقنا ) في عيون اللي يعـادي=و( نروق ) ونحضن قلوب القرابة

إذا عـدوا رمـال فـي النفـود ِ=وقف عنا الحساب وصـك بابـه

بحور الشعر غرقى فـي حمانـا=وتخضع فـي منابرنـا الخطابـة

عتابة والفخر يوم نسبوا لك =خوال المصطفى فخرك بدا به

عتيبة والفخر لوما جـذورك=تساوى في حضوره أو غيابه

عتابـة يامواريـث الملاحـم=سيوف المعركة وملوك غابة

مجرة من نجـوم ساطعـات ِ=تزيح الكون عن غيمة ضبابه

ألا وارسل لهامتهـا سلامـي=على قوس المطر جر الربابة

اذا منتي حبيبة كـل عاشـق=على ويش المحبة والصبابة ؟

واذا منتي قصيدة كل شاعـر=تصير قصوره الشمّا خرابـه

واذا ميراثنا منـك الأسامـي=حروف ٍ في معانيها تشابـه

إذا محنا على الدنيا شهـودك=نحفظ الورث في عز ومهابة

اذا ما تحفظ دمانـا عروقـك=عسى ماترتوي منها الذيابـه




قهر يزيد الروقي





. [/poem]