لئيمه بنـت الاصـول النئيمـه

[البرواز]

[poem=font="Simplified Arabic,5,black,bold,italic" bkcolor="transparent" bkimage="backgrounds/2.gif" border="none,4,gray" type=2 line=0 align=center use=ex num="0,black"]
علمتها للحـب معنـى وقيمـه=حطيتها في قمه الناس عنـدي
فهمتها كيف الـدروب السليمـه=علمتها لون الفرح كيـف وردي
حسستها كيف الغلا والحشيمـه=واكرمتها لين اصبحت كل ودي
خليتها تسكن فـؤادي عظيمـه=حتى وصلت بحبها كـل حـدي
والحين راحت والعواقب وخيمه=واللي بنيته للاسف صار ضدي
ملت معي واصبحت دقه قديمـه=ولا عاد يعجبها مقامـي وقـدي
علمتها وشلون تصبـح كريمـه=جاني كرمها عكس ماكـان ودي
راحت وانا بين الحطام وهشيمه=مجروح قلبي بالجفـا والتعـدي
لئيمه بنـت الاصـول النئيمـه=كان الجزاء منها جحودن وصدى
ولا عاد لي قدرن ولا عاد قيمـه=ولا عاد لي كلمه تجيب وتـودي
هذي جزا نفس الكريم الرحيمـه=تعطي ولا تاخذ من الناس ودي
نفسي عزيزه بالوفا مستقيمـه=موروث عم لي وخالي وجـدي
مقيمه في وسط قلبـي مقيمـه=ولا نفع في حبهـا كـل كـدي
كان الخطا في حبها والجريمـه=قولو لها يوم ارحلت لا تـردي [/poem]

طبعاً ( منهووووووووووووووب )

تقبلوا تحياتي