مصافحة المطيــــــري

[عبدالرحمن الميموني]

[align=center]السلام عليكم ورحمه الله وبركاته
أعزائي رواد قصائد الأعضاء
أقدم لكم هذه المتواضعه عسى أن تحوز على رضاكم
........( باب دنياي ).........
.[/align][poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يامن كتبت أسمه على باب دنياي=يامن تقلّد فـي زمانـه وشاحـي
من بد خلق الله تملّكـت شقـواي=وقلبي عقب فرقاك ماهو بصاحـي
روّحت من عندي على ذكر لقياي=وانا أتحرا منك تطلـق سراحـي
توعد وانا يم الوعد زاد رجـواي=ولا فيه يوم ٍ فيك قلبي استراحـي
الله يجيبك تجبر أوجـاع ذكـراي=وآخذ معك يازين ضحك ومزاحـي
واشلع من القلب المعنى تهقـواي=واسهر معك يازين لين الصباحـي
لحد ٍ يلوم القلب لو زاد مسـراي=غصب ٍ عليّ أذب كـل النواحـي
لن صد خدر العين زوّدت شكواي=وان شف خدر العين زاد ارتياحي
الله يلوم اللي عن الحـب حكـاي=شخص ٍ يسب اللي مع الحب راحي
ما جرب ادروب الهوا مثل ممشاي=ولا عذبه عطر ٍ مع النـود فاحـي
اسهر طوال الليل من شين بلواي=واشرب هماج وذاك يشرب قراحي[/poem]
[align=center]........
ولكم خالص تحياتي
برق الدجى
الشاعر / عبدالرحمن الميموني المطيري
..............[/align]