يانــــجــــــم يا ســـــــــــــاري

[ساري]

[poem=font="Simplified Arabic,5,black,bold,normal" bkcolor="transparent" bkimage="backgrounds/24.gif" border="none,4,gray" type=0 line=0 align=center use=ex num="0,black"]

يانجم يا ساري على مسراي تكفا لاتبان=قل للظلام يلبس الدنيا عباتن ضافيه
مليت أشوفك ممتلي بالنور وتضئ المكان=ونجوم صدري داخل أضلاعي حزينه طافيه
ياأبن الحلال أرجوك طف النورعن دربي عشان=ماعاد أميز فاالوجيه الخاينه والوافيه
ليه أخسر اللي طاح من عيني أوأكسب لي رهان=ماعاد تفرق والنتايج كلها متكافيه
ماعاد أبي صدمات تحت أسم التجارب وأمتحان=واحد كفيل بتعريت كل العلوم الخافيه
الجرح واحد لويجي من يد فلان او يد فلان=يتشابه الهافين في فعل الامور الهافيه
نفس الوجع نفس الضما نفس الخطا نفس الجبان=نفس السؤال ونفس إجابات الشهود النافيه
يا نجم خلك في محلك مالك ومال الطمان=أقلط على صدر المعالي صحتين وعافيه
مدام موتك مستحيل وفيك للجو أتزان=لاتنزل الوادي وتضربك الرياح السافيه
تدري لوانك تسأل عيوني عن الحرمان كان=تشرح لك الحرمان في نظره اجابه شافيه
حلمي كبير وسيدةحلمي من السحرالبيان=ماجابها الواقع وجتني فوق ارضه لافيه
من وحي فكري صاغها الحرمان بعيوني كيان=أعيش فيها وأحترق لسنينها المتقافيه
فإن كانها متفرده بإحساس واوصاف وليان=قصيدتي متفرده معنى و بحر و قافيه
بنت القصايد كل ماهب الهوى والطرق زان=غنيت فيها لين اصحي كل فكره غافيه
مايكفي إني كل ماغنيتها ذاب اللسان=كنه يقول إن السكوت احيان حاجه كافيه
احيان اخاف الموت بيديها ولااشعر في أمان=واحيان احب الموت لكن المنايا جافيه
وان سولفت في صدري الخايف من البرد أستعان=فيها وقامت بين ضلعينه تمشى حافيه
فيها برود وثلجها خلطة رحيق و زعفران=تحالفوا فيها على هيئة عصابة مافيه
هذا يجيد الفلسفه وهذا يجيب الأحتقان=وانا مع الأثنين نفسي ماتجي متصافيه
وش عاد باقي بنت عز وبنت شيخ وذات شان=مثل البحر وامواجها بسمى المشاعر زافيه
قالت اذا مات الدفى من يثبت ان البرد خان=في صحبته قاطعتها؟قلت اسمعي يا وافيه
لولاالوفا مات الدفى واصبح يهون ويستهان=واجراحنا برواحنا صارت ماهي متعافيه
الشكر لو ماله وجود ان كان مافيه أمتنان=واكبر جفا وش ياسعه غيرالقلوب الرافيه
ياغاليه رغم الوجع رغم التعب رغم الزمان=جيتك وقلبي ينتظر فرصة حنان موافيه
حطيني بصدرك واذا قال الزمان أظهر وبان=خليني ابقى داخل اضلوعك بخير وعافيه
انتي عطيني من غلاك إحساس وشوية حنان=واعطيك قلبي والقلوب اطباعها متنافيه
تدرين لو كان الدفى دوله وفيها برلمان=صرت الزعيم وقائد أحزاب القلوب الدافيه
لازلت عادي رغم كل البهرجه والهيلمان=صافي نوايا في زمن ماله نوايا صافيه
ماهو خطا لونفترق ويذوب شمع وشمعدان=بس الخطا لونجتمع وقلوبنا متجافيه[/poem]