موقف الشهامة بين العتيبي وهزاع العنزي

[العاذرية]

هذه الأبيات من الشعر النبطي قالها المرحوم المقدم / عوض غالب جعير العتيبي من حرس
الحدود بالمنطقة الشرقية عام 1419هـ . شاكرا" لهزاع بن سعود سلطان الفقير العنزي على
معروف سعى به لدى أمير الشرقية على التدخل بالجاه من قبل صاحب السمو الملكي
الأمير الشهم محمد بن فهد بن عبد العزيز وبموجب تدخل سموه تم العفو عن احد أفراد
قبيلة عتيبة استحق عليه الشكر بهذه الأبيات.

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
تسمعوا يأهـل المذاهب ولأسنـاع = يأهل الجزيرة حضرهـا والبـوادي
البيض ننـشرها على وجه هـزاع = أكـثر بياض من الثيـاب الجـدادي
بياض مـاينقص بياضـه ولمـاع = عـلـى الـدوام وكـل يوم يـزادي
في كل قيض وكل صيف ومـرباع = امشي بـها في كـل ديـره وانـادي
على الفقير وخصلته بـاع وذراع = وتـشمل عنـزة أهل الوجيه البوادي
قبـيـلة في كـل طيب لهـم باع = عـسى الحاهـم ما يجيها السـوادي
قوم تحوش النصر في كـل مطلاع = وطلعاتهم طلـعة صقـور الهـدادي
عاداتهم لن جاء من النـشر فزاع = وركبوا على قحص المهار الجيادي
من فعلهم طرح المجوخ على القاع = دون العـشاير مقـرعات التـوادي
بشلف تخج الصدر من بين الاضلاع = ومـطلاعـها تـطلع بـلب الفـوادي
حـربة اليـا ركبوا على كل مطواع = ودولة مجالـس بالـشرف والمبادي
ببـيوتهم ريـف الفـداوي ليا جاع = مـأيـذبحـون الا كبار الهـوادي
لنجـورهم في كل الاوقـات لعلاع = يـجـي لـها السايـر بليا منادي
الـبن بالقنطـار والهـيل بالصاع = وتـفخر مجالسهم بعـود وزبادي
نـبذه من الماضي كما قطف نعناع = والا الحـدود من الثـريا و غادي
يستاهلـون المـدح في كل مذياع = مسجل في صحـفـها والـروادي
اشكر بـشكر يسمعه كل سمـاع = هـذا الـذي في قدرتي واجتهادي
والبيض اكررها على وجه هـزاع = والمعـذره لـو مابلغـت المرادي
وصلاة ربي عد ماهـب ذعـذاع = علـى النـبـي اللي للإسلام هادي

هذا رد من الشاعر محمد المحدى الفدعاني العنزي على الشاعر عوض بن غالب العتيبي
1419هـ.


يا الله يا منزل سحابك على القاع = يارب يامعبود رب العبادي
يلي سجدلك يطلبك كـل ركـاع = ياواحد تعلم خوافي فوادي
من بعد ذكرك يالولي جزت الابداع = وسجلت من قلبي جميع المبادي
ردا" على اللي قال في مدح هزاع = نسل الفقير الليث وعز المنادي
الوايلي من عادته درب الاسناع = قرم وغيور بالمواقف سدادي
امدح بني وايل علي فرد وإجماع = ربعي الياصار اللقاء هم سنادي
هم عزوتي ربعي صناديد وسباع = حامين تال الطرش يوم ألطرادي
مرباعهم يعجبك في كل مرباع = وركبوا على حصن الرمك والجيادي
وكم خير منهم للاجواد فزاع = هم فزعة المضيوم ضد المعادي
أولاد وآيل دوم حلوين الاطباع = عز الضعيف اليا جراله نكادي
وانتم عتيبه صيتكم بالملا ذاع = قبيلة تعرف صحيح وكادي
ذباحة الحايل سند كل ملتاع = يزينكم اللي شاف همه وزادي
لطامة العايل على الخشم قماع = ليا جاء نهار فيه قدح الزنادي
ولابه عليكم يافتى الجود مهزاع = نعـما بـكم يا كاسبين امجادي
قبيلة عتيبه لها الطيب منقاع = مبـطي لهم في سابق المجد نادي
ودنياك من صارت بها زند وكراع = وانـت تعرف يالقرم كل اعتقادي
ومثلي ومثلك عارف كل الأوضاع = يا عوض وقتك صار ما هو بعادي
والحر يشكي دوم من كثر الأوجاع = لو هد بالمقناص ما ضن صادي
والكذب بين الناس يا مسندي شاع = بعض البشر عنده ترى الكذب عادي
يمشي بسوق الكذب شاري وبياع = من كثر كذبه هام في كل وادي
والناس في رأيي تصانيف وأنواع = وكلا ترى راية له اليوم قادي
وصلاة ربي عد ماهب ذعذاع = على الرسول المصطفى خير هادي[/poem]