ياعيوني

[الورد]

[align=center]
[poem=font="Simplified Arabic,5,red,normal,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]




تعزيت اهوم الصبر والصبـر ماطيقـه=
عيوني من الفرقى شقاهـا يلاحقهـا
الايعيوني من طـوى الهـم والضيقـه=
الى اقبل سواد الليل هلـت غوارقهـا
اهوجس ودمع العين جـرح طواريقـه=
كما تجرح الوديان جانـب مضايقهـا
انا انتل قلبي وانصـرم مـن معاليقـه=
جزع وانمزع والروح شبت حرايقهـا
الاياوجودي وجـد مـن قـل توفيقـه=
غـدى لـه ذهيـب جرتـه مايعتقهـا
على جاهل كـن الكواكـب عشاريقـه=
تهاوى القمر والشمس من فوق عاتقها
عليه اشقر منقوض تسبـح دواليقـه=
على نهده المركـوز والنهـد خانقهـا
الاواهني من صام وافطر على ريقـه=
شهر من زمانـه عندهـا مايفارقهـا
شفى علتي شربة هنى مـن لواهيقـه=
اطفـي بهـا كبـد ضماهـا مخرقهـا
عسى مزنة من عصر تكشف بواريقه=
عليها يحيل الطير مـن قـو بارقهـا
تحدر على مـزن هوايـه مشاريقـه =
جنوب الشعيب وشرقها الجال فارقهـا
تجي غبها الريضان تضحـك زماليقـه =
حمار وبيـاض زاهيـه جـل خالقهـا
مداهيل عنقا يشكـي الضيـم عشيقـه =
يسومل وروحه عاصف الحب طارقهـا [/poem]

منقول[/align]