مثلك بلا مبدء بفعله وقوله
لا وازع ديني ولا عرف عقال
رجال لكن منت حول الرجوله
حرام مثلك يلببس شماغ وعقال
بس البلا انك من سلايل حموله
مثلتها بالشين من قول وافعال
حلم العصافير الصغيره وزوله
زول البغال اللي لها قيد وحبال
مثلك عرفنا مبتغاه وميوله
شكواي لله في ضعيفين الامال
قهري على مثلك صعب وصوله
قومي هل الطولات اجاويد وابطال
لي في بحور الشعر صوله وجوله
مثلي غدت بالشعر مضرب للامثال
اكتب قصيد عذب واعرف اصوله
رطبا طريا يانعا يشرح البال
مدهش ومنعش للي يقوله
سهلا بسيطا صافيا كنه ازلال
وانته قصيدك ما نهض من خموله
مير الصحافه دورها حيل فعال
ماني من اللي تنهزم بالسهوله
اتربي من الصخرات وامش من جبال
واذا على بنت انتصارك بطوله
يافرحة امك جابت اليوم رجال
وسلاااااااااااااااااااااااااامتكم
;)
| 
|
03-30-2005, 06:47 AM
المواضيع المتشابهه
العرض الشجري