واليا عطيتـه وجـه صارلـك علّـه

[برقاوي هواوي]

[frame="7 80"]بعض العرب ماينعطي وجـه بالحيـل
واليا عطيتـه وجـه صارلـك علّـه

وبعض العرب ماله سنع بـس حليـل
بالضبـط كنـك لاتمعـنـت ظـلـه

وبعض العرب شقرا وشقرا مع الخيل
ماينفعـك لـولا الرمـوش المظـلـه

وبعض العرب لايعجبك ثرثـرة ليـل
وباكر تـرى مـا قالـك شـي لّلّـه

وبعض العرب مرسال مدري مريسيل
يسايـر العالـم وهـو حاصـل لـه

وبعض العرب يسلخ وينفخ وهو ريـل
وفي زعمه انـه يفهـم الكـون كلـه

وبعض العرب ماغير بنـدق ودربيـل
ومن وين ماهب الهـوى جايـز لـه

وبعض العرب يطلع كما طلعت سهيل
ويغيـب نجمـه قبـل دربـه تـدلـه

وبعض العرب يذيـك بالقـال والقيـل
تجلس معه ساعـه والاخـرى تملـه

نذل وخسيس يفصل الهـرج تفصيـل
واليـا لقـى لـه طيـب(ن) يستغلـه

وبعض العرب منظر وكشخه وتحليـل
شبح بحـال وحـال اخـرى كورلـه

لاشفت زوله مـن خيـار الرجاجيـل
واليـا عرفتـه ماتجـيـه بمحـلـه

وبعض العرب ماضيه ليل(ن) على ليل
قـد بصمـوه و صـوروه الادلــه

وبعـض العـرب لاوالله الا تهاويـل
مهمـا عقـدت الحبـل لازم يحـلـه

قـد دربـوه ولكـعـوه الرجاجـيـل
من قبل لايصيـر الحـدث جاهزلـه
وكانك شجيع اليوم جـاري سرائيـل
قبـل اليهـود الـقـدس لاتستحـلـه

وكلش يهـون الا الثـلاث الغرابيـل
المسكـنـه و المهـزلـه و المـذلـه [/frame]





الشاعر / عبدالله بن باتل ...