تغيب عني هموم القلب واحزانه 000لاغاب عن تغطية لرسال جوالي

[الشهراني]

[poem=font="Arabic Transparent,4,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياحظ كثر العنا وشهـو علـى شانـه=ووش هو مصيري معك في وقتي التالي
من ضيقة الصدر كني وسـط زنزانـه=لي عام واكثر وانا متغيـرٍ ن حالـي
نفسي على الخايع الممطـور ولهانـه=وعن زحمة الناس ودي بالخلا الخالي
تغيب عنـي همـوم القلـب واحزانـه=لاغاب عن تغطيـة لرسـال جوالـي
وتوانـك الجيـب للمطـراش مليانـه=لكن وين الخـوي اللـي علـى بالـي
اللي آصول الصداقـه معـه منصانـه=ماهوب مره رخيـص ومـرةٍ غالـي
بينـي وبينـه صداقـة ود وميـانـه=وان ماتهيـا قطعـة الفرجـه اِلحالـي
مادام نفسي علـى المنهـاج نشطانـه=بهدي لها جُل وقتي وارخـص ريالـي
واقطع فجوج الخـلا واشـوف حيانـه=واسج في كـل خبـتٍ مابـه ازوالـي
الخبت عنـدي ولا السـوده وشيبانـه=خص ٍ لياجيت روض نبتـه اشكالـي
وسمعت طير الحمام ايكوسـر الحانـه=وشمس العشي مالت وخالفني اضلالـي
وارتاح لارخى ظلام الليـل جنحانـه=وجريت جمر المناره تحـت معمالـي
اسج واسري بفكري واطلـق اعنانـه=يحلالـي الليـل والتفكيـر يحـلالـي
افكـر بصنـع رب الكـون سبحانـه=ويمضي بي الوقت وانـا دالـه سالـي
يومٍ ن بعض الاوادم صخـر السانـه=لمجالس اهل الخنـا والقيـل والقالـي
زين له ابليس عرض افـلان وافلانـه=يبهت ويهتـك عسـى مافالـه ابفالـي
صحيح بعض المجالس مالهـا خانـه=والبعد عنهـا بجـو الوحـده اشوالـي
تغيب عنـي همـوم القلـب واحزانـه=لاغاب عن تغطيـة لرسـال جوالـي[/poem]

[align=left]الشاعر/ عبدالرحمن بن بديع الشهراني[/align]