من لا .. ومن لا.. ومن لا....

[ضاوي العصيمي]

اخواني الكرام
السلام عليكم
هذه مشاركة اتمنى ان تجد القبول منكم
ولكم ودي

[poem=font="Simplified Arabic,5,darkblue,normal,normal" bkcolor="transparent" bkimage="" border="groove,7,crimson" type=0 line=0 align=center use=ex num="0,black"]
من لاينال الطيب فىاول شبابه=ماظن يظفر به ليا عارضه شاب
ومن لايميز في خطاه وصوابه=لوصاب مره عشر مرات ماصاب
ومن لاعلى جسمه يفصل ثيابه=والله ليوضع فوق ضرس وتحت ناب
ومن لايعرف القيظ يتبع سرابه=ويصبر على لفح السمايم والاتعاب
ومن طق بيبان العرب طق بابه=ولاضاع حق ومن ورى الحق طلاب
والسيف قوة سلته من نصابه=ولاخير في سيفٍ يجرب في الاقراب
ياللي تبي قدرٍ رفيع ومهابه=ابعد عن الشباك وادخل مع الباب
وحاذور من جحر الخباره ودابه=ترى الوقايه خير من كل الاطباب
ولاتعترض لك عيةٍ تبتلابه=دامك معافى لاتعرض للاسباب
ولاتارد الا اللي عذيٍ شرابه=عد الوبا مايشربه كود من خاب
والجار لو عن داره ابطا غيابه=خلك وصيه لاتخونه اليا غاب
والضيف رحب به وكرم جنابه=وقدم له الميسور من كل ماطاب
وتبشر بقول ونعم في كل جابه=ويزداد قدرك بين ربعك والاجناب

وسلامتكم[/poem]