C)(c للشعــــــــــر# وقفــــــــــات C)(c

[ރسلايـل المجـدރ]

[poem=font="Simplified Arabic,5,black,normal,normal" bkcolor="seagreen" bkimage="" border="double,6,black" type=1 line=0 align=center use=ex num="0,black"]
من بغا الفرقى لقا له عذر واسباب ودليل=
خل عنك العذر والأسباب دام الحب ضاع
كان ودك بالفراق ابشر عسى عمرك طويل=
لا تردد وانت لك كلمة ولك امر مطاع
لي عليك انك تبث بكلمتك تشفي الضليل=
ولك علي اني لاوقف وقفة الرجل الشجاع
لا تجاملني مخافة قال ادري الخوف قيل=
عمر هرج الناس ما يسمن ولا يغني جياع
كان قصدك سر حبك أوعدك لاصبح بخيل=
واحمل اسرارك معي للموت قدر المستطاع
بس قلها قل مااحبك وابشر بصبر جميل=
لا تحسبني مثل من طبعهم لوي الذراع
صاحبك ماهو كذا يا صاحب القد النحيل=
صاحبك طبعه غريب وغربته غربة طباع
في الهوا ما يقبل الحل الوسط ولا القليل=
مثل ما هو لا شرى يشري ليا من باع
ثابت لو هي تميل الارض حدره ما يميل=
يدري ان الفقر ما هو بعيب والدنيا متاع
ما عشق لذة حياته كثر عشق المستحيل=
ولا كره حتى مماته كثر كره الانصياع
كم تعلم من شديد البدو وش معنى الرحيل=
وكم تعلم من غروب الشمس وش معنى الوداع
وكم تعلم من ليالي الصيف وش معنى الحصيل=
وكم تعلم من ليالي البرد وش معنى الضياع
ايه انا هذا طريقي موحش وصعب وطويل=
وانت لا منك تعبت العالم فجوجه وساع
اعتبرني في بداية سكتك عابر سبيل=
ورح وانا قلبي معك وين وجهت الشراع
يكفي اني لا ذكرت بسالفة عشاق قيل=
عاشر احبابه شجاع وفارق احبابه شجاع[/poem]