يوم مشمس ...

[فــزّ!!!ع]

...
...
...

ياسل حالي يوم سل البعد فـي قلـب الغـلا
في يوم مشمس بس أنا جوي تلبد بالغيـوم

ثم أبرقت برق الفـراق اللـي ولا مثلـه ولا
حده ولاقبله ولابعـده سـوا رزم الهمـوم

تحوفني صوت الرعود بوسط صحصاح الخلا
وماعاد باقيلي سوا عبره على ذيك الرجوم

وإن جيت أبذرفهاذكرت إني معاهدتـك فـلا
عبره على خدي تطيح ولا أذل الدمع يـوم

كله على شانـي معاهدتـك بهـا عهـد وولا
ياريح أبوي وريح جدي يابعدكـل القـروم

صحيح ودك بالفراق..البيـن حمـلٍ مزمـلا
شفله على خدي بقا من غيبة الغالي وسـوم

من غيبته غيبه بلا رجعـه وحالـي ناحـلا
طيوفه بصدري تلوفه لوف لين أصبح هدوم

وإنته تبي الفرقا أبوك أبشر بهـا لاتزعـلا
لايزعلك وصلٍ بدون أساس وصلٍ مايـدوم

مـاوالله أدور بأحاسيسـي أدور عـن غـلا
ولاتهون أنته على قلبي وأنا من روس قوم

دامك نويت البعد عني في صحاصيح الخـلا
أنا أشهد إنه مابقا فالوقت طيب .. ولاقروم

للشاعره .. بنت ابوها ...

مووودتي

...
...
...