مــتــنــبــي عــــتــيــبــه

[عزوتي عتيبه]

بسم الله الرحمن الرحيم
السلام عليكم ورحمه الله وبركات الى منتدى قبيله عـتـيبه بعد قريت في هذا المنتدى الرائع حبيت اليوم اذكر احد فحوول الشعر في الجزيره العربيه وهو احد فعول شعر عتيبه وهو الشاعر بندر بن سرور العتيبي سطوره عتيبه
الشاعر بندر بن سرور بن خضير القسامي العتيبي
ولد وترعرع في القراره بمدينه الدوادمي سنه 1360 هـ
توفي والده وهو صغير السن وعاش مع عمه بعد زواج والدته من رجل اخر عاش الحرمان منذ صغره وربما السبب فيما وصل اليه بندر من موهبه شعريه فذه درس حتى المرحله المتوسطه وتوظف في الجيش وارسل للكويت اثناء حرب الصامته وتهديدات عبدالكريم قاسم حتى وصل رتبه عريف في الجيش الكويتي قال بيت له عندما اتاه احد الدائنين يطالبه بماله
الدين واجد والوظايف تعيسه والعسكريه خلت الراس شايب
من اشهر قصائد بندرابن سرور على الاطلاق والتي يرددها الجميع ( ياسخيف الذرعان ) وحكايتها عندما قام بندر بن سرور بطرق باب الامير تركي بن ربيعان في وقت متاخر وكانت احدى الفتياة تخاطبه من خلف الباب وسالته من هو مايرد قال انا بندر اريد والدك وعندما سال الامير تركي الفتاه عن الطارق قالت هذا المرجوج بندر وقد سمعها حين قالت المرجوج بندر واخذت كلمتها تلك موقع الاسي في نفسه وكان بندر معروف لدى الجميع وانشد تلك القصيده
ياسخيف الذرعان مانيب مرجوج رجتني الايام غدر وحيله
يابنت لولا اللي على تاسع الفوج تركت نجد وعزوة بالقبيله
لاشك حاديني على نجد هـادووج مسقي الفيافي لين يدرج مسيله
تركي ليا من اليالي غدن عووج حملة عتيبه كلها ماتشيله
يرسي كماترسي البواخر على الموج ومنين ماصك البحر يرتكيله
مادام تركي حي ماودي ادوج وان غاب غبت من الرجوم الطويله

ومن قصائده
وكانت هناك قصيده لبندر يهجو بها السديري وعندما سال السديري عن عدم رده على بندر قال هذا شاعر بيوته ابكار اي بكرلم يسبقه احد على قولها وله بيت يوكد ماقيل عنه
انا اليا مني نويت اقتل البيت قتلت والشعار ماينقضونه
صدق من سماك متنبي عـتــيــبــه
وله قصيده مشهوره ايضا قال في الامارات وهي طويله ولكم منه تلك الابيات
متى يجي في نجد بعض التدابير حتى يجي للصابرين انفراجي
يالله ثبتني على الارض لا اطير لين اشرب الشاهي واكل علاجي
علاج راسي حبتين بقصدير الي عليهن رسمهن بزدواجي
يامنير اخذ الفرت واخذ الفواتير واحرص عليه ودخله بالكراجي
كان يبغى زيت عب المواصير وانكان يبغى نار غير بواجي
واليا استعد وضخر البعد تصخير تصخير شيهانن لفرخ الزراجي
عده على الي مايعد المخاصير ركاز عمدان الخشب لنعااااااجي
ثم قل ابو ماجد ترى وقتنى غير وتبدلت سحب المطر بالعجاااجي

ومن قصائد بندر ابن سرور في الصبر
انا الذي ما ابدي على الناس سري من خاف سودان الوجيه تحكي يبه
اصبر على ضيم الدهر والتعرررري من شان من يرضى علي الغليبه
وابعد مجالي عن عيال التزررررري من لاهوي قلبي دواه المغيبه
واخاف الي من مجلس مايذرررري في جنابه بوم حساسه صلبيه
وسوالف مابين بحث وتحرررررري يجرح فوادي عيه وبتلي به
يرضيني المقسوم خيري وشررري سبحان من لا تعلم الناس غيبه
احد على ربعه يحب التحررررررري للشر بلاس وخيره بجيــبــه
هذاك ياربع انا منه متبررررري لو عضني ناب الدهر ماانتخي به
من خوف يضحك لي وهو يستغري يفتل احبال السو ما يندري به
يفرح علي بكل شي يمرررررري وانشاف يمي خيرر عني نهيبه

ومن قصائد بندر بن سرور
من بلاد الشام جينا بالمكينه فوق فرت ماتخثع بطمااااني
يهدتي مثل الجمل تسمع بطينه مع طمان القااااع مثل الثعلباني
والشفير من المدارس مطلعينه عن ظلام اليل شب الكهرباني
كل مجه تلي يلعن والدينه بليمين الي على كل اليماني
ماتجيه يسااار ورجله شوف عينه غير يسري الطارشي بلااماني
يوم قاله الخوي عاشت ايدينه شد رجله لكمك واحد وثاااني
يالله انك تنصر من نصر دينه انعطى له مع غب ولا بيااااني
قلت يالمطنوخ انا عيني حزينه من شراب الف وابيه عنك كاااني
قد رمى بالكيس قدمي قال وينه دوك مابلجيب عن شي لا هااااااااااني
قلت ثلاث قال يالله لاتهينه قلت خامس قال يطلب نقل ثااااني
قال واحد ولكمك واسمع حنينه كيف ماترضى عليه بالهووواني
قلت واحد ولكمك ضام المكينه قال لي من يرحم القاسي ليااني
قلت والله يرحمونه صانعينه قد زعلت من الهيب الي حدااني
قال مانثق بمنهم متقنينه عن مشاور غير عرفي قد كفااني
قاطع عرقين مادري وين وينه قد وصلت الارض واسمع صوت ثاني
قلت دوك الف خابو شاربينه غطني عن شوف شي مخفااااني


وهذا بعض من قصائد الشاعر الكبير بندر بن سرور وارجوي اني قدمت لكم موجز صغير عن الشاعر بندر سرور