الالفيه

[البندري العتيبي]

ا: اولف الشعـر مـن كيفـي وهـو بالـي -- وابنـي القصيـده مـن الافـكـار لجـنـي
ب: بديـت بذكـر الله الـي عالـم بحالـي -- ربـاً كريـم مـا يـوم خـاب بـه ضـنـي
ت: ترمينـي الدنيـا بيـن مــر وحـالـي -- مـن فعلهـا نـوب اضحـك ونـوب اونـي
ث: ثمـن صدقـي مـن الايـام غربـالـي -- صفـت معهـا الليـالـي بـهـم جـازنـي
ج: جمعت كـل المعانـي بساسهـا العالـي -- لشـك كــل المعـانـي الـيـوم كبـنـي
ح: حسبت انا الصدق من حسنات الاعمالـي -- اثريـه شيـن ومنـه البـيـض عافـنـي
خ: خليت انـا الحـق مبدايـه وراس مالـي -- اثريـه معيـوف وبـاطـلاُ بــه مغـنـي
د: دنيـا خسيسـه وهـي ديمومـة انذالـي -- تخفـس عزيـز وتعـز مـن هـو مـدنـي
ذ: ذبحني الزيـف مـع كـذب مـع محالـي -- وكـل شغلـه لـهـا متخـصـص وفـنـي
ر: راحت سلوم العرب والنـاس مـا تبالـي -- واقفـت لليالـي بهـا نجـر الكـرم دنــي
ز: زيـن لهـم الشيطـان سـو الافعـالـي -- راكـب علـى روسهـم يـحـن ويـزنـي
س: سوالـف مالهـا اول مالـهـا تـالـي -- حتـى حـروف القصايـد منهـا يشيبـنـي
ش: شفت الرجل مـا يقـدر عمـا وخالـي -- جافـي لدمـه ولغـيـره صــار متبـنـي
ص: صدق من قال فـي مجمـول الامثالـي -- علمتـه الطعـن وصـار الـيـوم يطعـنـي
ض: ضنيت انا الخير وضني انحرف مالـي -- يـوم بــان الخـافـي وبــان ماكـنـي
ط: طاعون دس الفتن بالنـاس هـو جالـي -- ويامـا الفتـن بالقلـوب الحـقـد ربـنـي
ظ : ظالمـك لونجـى يجـيـك باغـلالـي -- فـي يـوم يحاسـب فيـه شيعـي وسنـي
ع: عليـه غضـب ربـي وفوقـه انكـالـي -- مـن كـان بالظلـم علـى النـاس متجنـي
غ: غريبه بعض العـرب محسـوب رجالـي -- وليـا دنــة حــزة الحـرابـه يخـنـي
ف: فريـسـه للـولـيـه ام الاعـيـالـي -- مخـروش طـوع لهـا ولهرجهـا يصنـي
ق: قديـم قـولا علـى قـديـم الاجيـالـي -- مضمونه اصبر علـى خشمـي لـو اعفنـي
ك: كم من ليالي بالعمـر اقصـار وطوالـي -- من يضمن عيونـه تصحـى عقـب يغفنـي
ل: لـو ان الدنيـا تبقـى بليـا ترحـالـي -- ولابــه احـسـاب ولا اعـمـال تفـنـي
م: ما اصبر على الي مضى من ضيم واهوالي -- لخلـي سيفـي بــراس الظـالـم يـرنـي
ن: نشكـي علـى الله والايــام بقبـالـي -- لابـد يــوم سـهـوم الـحـق يرمـنـي
ه: هـزت ذنبهـا ومعهـا اهتـزت اذيالـي -- دنـي خسيسـه ومعهـا كــلاب يعـدنـي
و: ورتنـي الويـل عسـى مافالكـم فالـي -- ذقـت المـراره منهـا مـا رفعـت عـنـي
ي: يانـاس تمـت وانـا صدقـت بأقولـي -- صلوا على الي انبعـث لانسـي مـع جنـي

منقول