الوقت قاسي وبعض الناس ????!!

[اخو من طاع الله]

القصيدة للشاعرة (نوض)


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اتصدق احيان اخافك حيل واهابـك
واحيان اقول السلامه منك مضمونه
واحيان اتعب ليا من طـول غيابـك
واحيان قربك يزيد الهـم وطعونـه
واحيان اصدق كلام قيل يحكى بـك
واحيان اغض النظر واقول لعيونـه
واحيان اقول آآه ليت الحظ ماجابـك
واحيان اقول ايه ذقت الحب وفنونه
واحيان الاحظ كلامك زين واعجابك
واحيان مدري كلامك ويش مضمونه
حاله غريبه اعيش الحب واحيابـك
درست نوع الهوى حكمه وقانونـه
جمعت فيه المشاعر وانقفـل بابـك
وارسلت لك قلبي اللي باح مكنونـه
صبرت يا صاحبي يا مكثر اعتابـك
ياليت حظ العرب بالسوق يشرونـه
مليت اراجع واعاتب صفحة كتابـك
حتى عيوني بكت له يـوم يقرونـه
ومليت اهدي واراعي ثورة اعصابك
واخاف لأسأل واقول فلان وشلونه؟
واخاف لأهل الحسد بالهرج تغتابـك
الوقت قاسي وبعض الناس ملعونـه
كافي طلبتك رجاء واحسب احسابك
مافيه داعي اعيش العمـر مغبونـه [/poem]